رواية چريمة من الماضي بقلم ډفنا عمر الفصل الخامس عشر والسادس عشر
مافرحش واتأثر بس هو مستحيل يظهرلك ده بسهولة وهو ڠصبان منك!
قالت بحزن كان نفسي احس إن سفري لحد عنده فرق في حاجة.. اتعشمت حتى يفضل معانا وانا كنت هفضل احاول اراضيه!
بالعكس سفرك لعنده افادك جدا جدا لأنك اخدتي فرصتك أنك تدافعي عن نفسك وتبرري غلطك غسان المرة دي سمع منك وكل حرف هيتحفر في عقله ڠصب عنه وهيسترجعه تاني وهو بيفكر لوحده!. لكن اخر مرة سابك انتي تقريبا مانطقتيش حرف تدافعي بيه عن نفسك! يعني الصورة تفاصيلها اتغيرت.. وصدقيني كل ده هيفرق معاه بس اما يهدى!
غسان ابني انا عارف تفكيره يا حسناء.. مش هيغفل ابدا عن كل حرف قولتيه وهيقدر إنك ندمتي قبل ما يكتشف هو تصرفك وفرحته الداخلية والطبيعية بحملك هتضعف مقاومته ليكي وهتهزمه مع الوقت صدقيني مجرد تخيله أنه هيبقى أب هيخلي غضبه يتلاشى واما هيشيل ابنه بين ايديه هينسى كل حاجة.. غسان طيب بس عيبه زعله بيطول شوية.. انتي بقي أهدي وماتزعليش.. وخليكي عندك وانا هجيلكم يومين افسحك انتي وكيموا.. واهو بالمرة اشوفلي حتتين بسبوسة بالقشطة اجدد بيهم شبابي
بعد أشهر قليلة!
عروستنا الأمورة سمورة خلصت لوازمها ولا لسه
كله بقى تمام يا لوكا فارس كل حاجة عملها معايا واخرهم فستان الفرح هيتطبط فيه شوية حاجات طلبتها عشان. يكون مناسب للمحجبات!
طب تمام أوي امال ليه حاسة انك قلقانة ياسمر!
ملك بنبرة مطمئنة قلقك وخۏفك ده طبيعي جدا حتى لو فارس من وسطك دي حياة مختلفة فعلا بس مش عشان اللي في دماغك. لأ.. لكن لأنك هتكوني مسؤلة عن أنسان وكل شيء يخصه مهما كان بسيط وعن أسرة هتكوني عمودها الاساسي.. وفرد جديد في أسرة زوجك اللي لازم تكسبيهم بكل ذكاء وساعتها هتكسبي راحة بالك ورضا زوجك اللي هو رقم واحد.. عرفتي بقى أيه سبب القلق!! بس كل اللي ذكرته ليكي ده هتنجحي فيه بحاجة واحدة.. أنك تعملي كل حاجة لوجه الله وبحب خالص..!
كلامك ريحني أوي يا ملك وطمن قلبي.. أنا بجد لو ليا أخت ماكانتش هتقف معايا وقفتك دي!
ملك بعتاب أخص عليكي وانا مش اختك
هتفت مبتسمة واكتر يا لوكا..!
ماشي ياحبيبتي بوسيلي يامن روح قلبي!
من عنية ياقلبي يلا تصبحي على خير
وانتي من اهل الخير حبيبتي!
مريم وهي تطالع شقيقها الذي يرتدي أمامهابدلة زفافه ماشاء الله يافارس البدلة تهبل عليك انا فرحانة اوي عشانك لأنك اخيرا هترتبط ببنت بتحبها وهي تستاهل والله مؤدبة ومحترمة وعاقلة ثم غمزت له بعينيها وجميلة جدا..!
هتفت أيه هي
اجابها حاتم.. انتي عارفة إن أنا وسمر بعد الفرح هنسافر شهر عسل وهنسيبه معاكي انتي وأياد.. عايزك تاخدي بالك منه كويس الولد ده حساس ولسه مش مندمج معانا.. مش عايزه يحس بغربة يا مريم اوعي حاجة تحصل تزعله ده أمانة في رقبتك..!
ربتت على كفه متخافش يافارس ده زي ابني وانا أصلا حبيته أوي ومعحبة بتربيته جدا وبإذن الله هحطه في عيني ماتقلقش يا عريس!
يابني ساعدني ودخل أيدك اللي زي البرص دي في السالوبتة
ضحكت ملك من خلفه وهي ترتدي القرط الذهبي وتنظر للمرآة متممة علي هيئتها وهتفت في أب يقول على أبنه برص بردة.. ثم اقتربت وسعلي يا استاذ.. ومشكرين على خدماتك!
اعاد كلمتها ساخرا مشكرين
دي أخرتها معاكي انتي وابنك الشبر ونص ده..
أنا غلطان إني قلت أساعدك لحد ماتجهزي!
والتقط رابطة عنقه وهم بعقدها.. فاقتربت منه وبادرت بعقدها له مبتسمة له مرددة خلاص ياميرو
