كله بالحلال بقلم أمل نصر

صباحا الملعۏنة التي فعلت ما لم تجرأ عليه امرأة قبلها ان تجعله يدور حول نفسه ولا يشغله شيء سوى هي.
منورين يا جماعة شرفت بيتنا المتواضع يا عم شاكر انت وممدوح
تبسم الأخير وجاء الرد من والده
دا نورك انت يا حبيبي البيت عامر بناسه وبالعشرة الحلوة بين أهله.
الله يخليك يا عمو عندك حق والله بتشرب العصير ولا اجيبلك قهوة
قبل ما اشرب عصير ولا قهوة فين عروستنا ولا والدتها ولا هما مكسفوين مننا
قالها شاكر بجرأة جعلت الرد يخرج من ابنه بمزاح
يا بابا هو احنا لحقنا نقعد انتي ليه محسسني ان انت العريس
ضحك الثلاثة ليعلق عزيز بترحاب
عمو عزيز يقول هو اللي عايزه ليلى زي بنته
اضاف شاكر على قوله مؤكدا
هي مش زيها وبس لا دي في نفس المعزة كمان وربنا يعلم من وقت ما كانت قطقوطة صغيرة وبتيجي تراجع الدروس مع بسمة وانا قلبي كان ببرفرف لما يشوفها واحس كأنها واحدة من اهل البيت اظاهر كدة ان قلبي كان حاسس من ساعتها .
هم عزيز ان يعقب على قوله ولكنه انتبه على خطوات الحذاء ذو الكعب العالي لتجعل شاكر نفسه يحدق فيمن كانت اتية نحوهم ليكتم صوت صفير الاعجاب بداخله وقد علم بهويتها بفراسة متذكرا المواصفات التي علمها بالأمس بالإضافة لهذا الشموخ والكبرياء والغرور ايضا
ليقف فور ان اقتربت منهما يتلقى تحيتها نحوهم والتي القتها باستعلاء اثار بداخله التسلية
مساء الخير
مساء النور.
غمغم بالتحية ولم ينتظر تعريف ابنها لهما لتمتمد كفه نحوها يجبرها على مصافحته متمتما بإعجاب صريح
اهلا وسهلا الأمورة اخت ليلى مش كدة برضوا
اختها !
خرجت منها باستنكار يشوبه الدهشة ليعلق عزيز من خلفها بابتسامة مستترة
لا يا أنكل اختها دا ايه دي مامتها والدتي .
كبت ممدوح هو الاخر ابتسامته مراقبا رد فعل والده والذي برقت عينيه بذهول مرددا بمبالغة.
معقول! يعني انتي والدة ليلى وكمان عزيز! دا انتي لو مشيتي جمبه هينقال اخته الصغيرة محدش هيصدق ان انتي امه ابدا
يا سلااام!
عقبت بها بما يشبه السخرية وعدم تصديق لتطالع وجهه جيدا وهذه الابتسامة المتلاعبة على شفتيه يعيد مؤكدا لها
انا بتكلم ع اللي حاسيته مش عايزك تفتكريها معاكسة انا راجل دوغري واسألي عني عزيز هو يعرف اني مبعرفش اجامل .
قالها ثم توجه بنظره نحو الاخير والذي قطب لا يعرف بما يجيب ليغمغم ممدوح بداخله
يا جامد شكلك مسخن كويس للعب يا حج شاكر
....ينبع
الفصل الواحد والعشرون
عبر الهاتف كان الحديث الدائر بينهم الان بلحظات الترقب الموجعة بانتظار النتيجة واللذيذة في نفس الوقت في امل الوصال
ايه الأخبار خرجتيلهم ولا لسة
اجابتها ليلى وهي تتطلع من خلف جدار الطرقة المؤدية للحمام والمطبخ والقريبة من غرفتها حيث تتمكن من التسلل لمراقبة المجتعين بصالة المنزل تستشف الأوضاع وردود االافعال من الجهتين ثم العودة سريعا لقواعدها كل دقيقة.
لسة يا بسمة انا منتظرة عزيز يندهلي مع ان المهمة دي حقها تبقى على ماما لكن للأسف بقى انتي عارفاها.
جاءها الرد بزفرة طويلة خرجت من عمق ما تحمله بداخله من قنوط
عارفاها يا ليلى هي دي بيقدر يقف قدامها حد حتى عزيز اللي كان ليه شنة ورنة في الاخر برضوا رضخ ليها.
متقوليش كدة يا بسمة هو ليه ظروفه .
دافعت بها ليلى عن شقيقها ولكن الاخرى لم تتقبل الاقتناع
خلاص يا ليلى مش هقولك سيبك من الموضوع دا اساسا وخلينا في الاهم عايزين نتمم فرحتنا بيكي انتي وممدوح يارب ننجح في دي ع الاقل.
وموضوعك انتي وعزيز كمان يتم دا برضوا عندي أهم .
عقبت على قولها بنزق
ماشي يا ليلى بس خلينا دلوقتي في اللي حاصل عايزه اعرف مامتك وبابا اللقاء ما بينهم ازاي وانتي امتى هتخرجيلهم بقى
شبت ليلى بابصارها نحو مركز الجلسة تجيبها بتركيز شديد
شايفة حاجة زي هدوء ما يسبق العاصفة عمو شاكر بيتكلم وعزيز مندمج وممدوح بيتدخل في بغض الاوقات وماما لسة ساكتة.......
توقفت برهة تستدرك بارتياب
بقولك ايه انا مش هستني حد يندهلي اقفلي يا بسمة انا رايحة اخدلهم اي حاجة معايا حجة عشان ادخل بيها في ايدي عليهم.
حفزتها من محلها قبل ان تنهي المكالمة معها.
برافو يا ليلى ايوة كدة انزلي ارض الملعب وخوضي المبارة من اولها لازم تبقي لاعب اساسا في ماتش تحديد مستقبلك هستني منك تقرير اولي قبل ما يوصل بابا واخويا البيت تمام.
اشطة ادعيلي بس انتي بالتوفيق
يارب يوفقك ياليلى ويعينك انتي وبابا وممدوح على منار القوية المفترية. 
يارب يا بسمة يارب
ايوة يا استاذ شاكر انا سمعاك كنت بتقول ايه بقى
رد الاخير وهو لا يغفل عن العنجهية التي تحدثه بها
يا هانم انا بتكلم على زوق البيت جميل وعصري مكدبس عليكي انا انبهرت رغم ان عندي بيت اكبر منه وقريب قومت بتجديده ف كلفت اشهر مكتب في البلد لتغير الديكور ساعتها النتيجة كانت عجباني اوي لكن دلوقتي وبعد ما شوفت بيتكم قدرت فعلا الحس النسائي خصوصا لما يبقى الزوق لواحدة زيك كلاس بزوق عالي زيك.
اعتلى تعابيرها ارتباك طفيف تأثرا بمدحه ولكنها اخفته سر لترد على قوله بفظاظة وعدم تقبل لهذه االمبالغة والتشتيت عن الغرض الأساسي من الزيارة
مرسي اوي على المجاملة اللطيفة دي يا استاذ شاكر بس اظن يعني ان حضرتك مش جاي هنا عشان تمدح في ديكور البيت ولا اهله وبس ياريت تدخل في الموضوع وسبب الزيارة على طول.
ماما..
غمغم بها عزيز من جوارها بهمس حذر وعبس ممدوح 
ضائقا لجلافة تعامل هذه المرأة مع ابيه والذي لم يتأثر من الأساس بل زاد تصميما حتى تحول لتحدي فرد بابتسامة متسعة
اعذريني يا هانم بس انا انسان ضعيف جدا قدام الجمال يعني ممكن تلاقيني واقف بالساعة قدام لوحة جميلة في معرض او ان اسيب كل اللي ورايا لو لقيت اي شيء جميل يوقفني في سكتي ثم كمان يعني لو ع الكلام ما هو جاي كتير هو احنا لسة قعدنا وليكونش زهتوا مني
توجه بالاخيرة نحو عزيز الذي لطف على الفور
لا طبعا مين اللي قال الكلام ده دا انت انستنا وشرفتنا يا عمو شاكر قعدتك والله ما يتشبعش منها٠
تسلم يا حبيبي ويسلم زوقك وانت كمان عجبتني اوي انا استريحت للعيلة كلها بصراحة.
تمتم بها ردا عليه ليزيد من اشتياط الأخرى حتى انتبهت على اقتراب ابنتها تحمل صنية كبيرة وضعت عليها العديد من اطباق الحلوى يغلف ملامحها الحياء وكانها عروس بالفعل الملعۏنة تتخطاها وتفعل ما برأسها بمشاركة مع شقيقها يشكلان حزبا مضادا لها.
كان هذا الحديث الذي يدور بداخلها وهي ترى شاكر ينهض عن مقعده يرحب بها بمبالغة
يا اهلا يا أهلا بعروستنا القمر دا ايه الجمال والحلاوة دي
وقف ممدوح ايضا ينتظر دوره حتى تنتهي من مصافحة ابيه والذي لم يكف لسانه عن المدح ليضاعف من خجلها امامهم
وكمان تاعبة نفسك وجيبالنا حلو حقيقي الحلوى ميجيبش الا الحلو واد يا ممدوح انا دلوقتي بس اطمنت على الإنتاج مدام الاصل كدة أكيد برضو هيطلعوا لامهم.
قال الاخيرة خاطفا بنظره نحو منار التي اجفلت لتلميحه المبطن لكن سرعان ما استجمعت لتوقف تغزل هذا المتبجح بها هاتفة على ابنتها التي كانت تتبسم ببلاهة ترحيبا بهذا الشاب الذي يتوهم بعقله انه قريبا من الحصول على الموافقة
مفيش داعي الكلام دا يا شاكر باشا احنا يدوب لسة ف جلسة تعارف روحي على اؤضتك يا ليلى.
هتفت امرة نحو الأخيرة قبل ان تجلس وتنضم اليهم مما سبب لها حرجا لتنقل بنظرها نحو شقيقها تبتبغي الدعم فكان رده بنظرة متفهمة لتتقبل وتستأذن منهم على الفور
طب عن اذنكم يا جماعة 
رد شاكر ممازحا
ماشي يا لولو اكيد الجيات

كتير يا مرات ابني .
مراة ابنك!
خرجت منها بحدة واستنكار كاد ان يضحكه فجاء رده بمرواغة كاتما ابتسامة متسلية بداخله
انا اسف يا هانم لو زعلتك بس بجد الجملة طلعت مني من غير ما اقصد سامحيني فيها دي.
صمتت تكظم غيظها حتى تحركت ليلى مغادرة بعدما تبادلت بنظرة ذات دلالة مع المدعو ممدوح امام ابنها المتكتف الذراعين بهدوء كاد ان يجلطها وكأنه سعيد بما يحدث اللعڼة.
استفاقت تتحفز بجلستها وردها معهما
براحتك طبعا واحنا كمان براحتنا اتفضل يا استاذ ممدوح اتكلم وقول اللي انت عايزه واحنا بقى بعدها نشوف الدنيا ايه ونقرر.
حفز شاكر ابنه مع انتباهه لقصد المرأة في تجاهله لتختصر او ربما تعبت من منازلته معها وكم اسعده هذه الفكرة
اتكلم يا حبيبي قول لطنت منار عن مؤهلاتك عبر لها عن رغبتك في الارتباط بحب عمرك.
قال الأخيرة بقصد جعلها تحدجه بناريتها ليقابلها بابتسامة باردة تأسر انتباهاها على قدر ما تغلي الډماء بعروقها حتى الټفت تصرف نفسها عنه بصعوبة لاستماع الاخر
حضرتك انا عمري ٢٨ سنة خريج علوم لكني بصراحة مكنتش مستهوي المجال فقررت اغير فور تخرجي واشتغلت ولله الحمد في شركة سياحة قدرت اثبت مكانتي فيها في الكام سنة واترقيت كذا مرة......
وماشتغلتش ليه مع والدك مدام هو فعلا رجل اعمال زي ما بتقول.
قاطعته بسؤالها الحاد لتفاجأ بخروج الرد من الاخير
دا مش قول حضرتك انا شركاتي وارثها ابا جد اما عن ابني فدا ليه مطلق الحرية رغم ان احب انه يورث ادارة الشركات بس هو حر يشتغل في الحتة اللي تعجبه 
بس تصدقي بقى انا اللي مهون عليا ومخلي قلبي مطمن هو شغف اخته الصغيرة دي بقى ما بتصدق تاخد اجازتها وتيجي تدرب عندي انا متوقع لها تبقى سيدة اعمال هايلة.
بسمة!
هتف عزيز بالأسم بدون تفكير ليأتيه رد الآخر بابتسامة ماكرة
اه بسمة يا حبيبي صاحبة ليلى يا مدام منار.
عارفاها. 
قالتها بحدة لتتابع بحنق شديد وقد استفزتها هذه اللهفة في صوت ابنها والتماع عينيه لمجرد ذكر اسمها والحديث عنها
ربنا يخليهالك رغم ان تبادل الأدوار دا ما بيعجبنيش المهم خلينا في المهم انا شايفة انك انسان كويس وع العموم كل حاجة نصيب واحنا.....
انتوا لازم تاخدوا وقتكم يا هانم .
اجفلها شاكر بمقاطعته لها متابع بقطع الطريق عليها
واحنا مش مستعجلين خالص يعني لو قعدتوا لشهر حتى في التفكير والأخد والرد العروسة تستاهل .
تستنى لشهر! وايه لزوم نطول في المدة مش جايز يبقى انتظار ع الفاضي
عقبت بها بفظاظة مقصودة قابلها بابتسامته
لا ان شاء الله خير وليلى جميلة وتستحق الانتظار.
اممم
زامت بها بشفاه معوجة لتظهر لهم بشكلي جلي عدم الاقتناع والاخر يقابلها بتحدي .
انتهت الجلسة اخيرا وليلى ما زالت تتابع من محلها لتغير وقفتها مع تغير اماكنهم وتراقب ذاهابهم في طريقهم للخروج بصحبة شقيقها الذي احتفظ بحرارة اللقاء معهما حتى اجفل بحضور اخر شخص يتمنى رؤيته الان فور فتحه لباب المنزل.
هاي يا عزو.... ايه ده اللي جاب الواد هنا
هتف بها سامح فور ان تفاجأ بممدوح امامه وخلفه هذا الرجل والذي عرفه من