رواية بصائر تغشاها الثرى بقلم ډفنا عمر الفصل الخامس "حصري"

عن سعادتها لتلك المصادفة.
استاذ ريان ازيك دلوقت بقيت احسن
وبجراءة كانت عيناها تمر على جسده الذي استعاد كامل عافيته لتهتف بينما هو يرمقها بجمود. 
الحمد لله على سلامتك.. متتصورش حضرتك أزاي كنت هتجنن عشانك. 
تنحنحت حين شعرت بتجاوزها بوصف مشاعرها.
قصدي زعلت عشان اللي حصلك بس الحمد لله شكلك بقيت احسن عن ما كنت في المستشفى. 
ضيق عيناه وهو يرمقها بغموض ليحدثها للمرة الاولى. 
هي ضحى عارفة إنك طالعة عندها
الحقيقة لأ.. انا كنت قريبة من هنا قلت اطلع اطمن عليك.. 
لتتلعثم ثانيا متراجعة عن قولها سريعا. 
قصدي عليكم كلم.. أصلها من وقت الحاډث بتاعك مش بتكلمني خالص.. قلت اجي اسأل.. ضحى صحبتي وغالية عندي. 
رمقها بتظرة فاحصة لا تخلوا من استهزاء مبطن ثم قال. 
ممكن نروح مكان نتكلم شوية ولا لازم تطلعي لضحى دلوقت
صاحت بلهفة لا تصدق انه يدعوها لتصحبه في مكان ما. 
لا مش مهم اطلع لضحى.. قصدي عادي ممكن اعدي عليها وقت تاني. 
غمغم بمزيد من غموضه. 
هنشوف. 
وتقدم ناحية سيارته وهي خلفه تركض مثل جرو.. جاورته في المقعد الأمامي.. نفس المكان الذي تحتله ضحى بالعادة.. شعرت بتلذذ ونشوة طاغية داخلها وهي تتخيل ولو للحظات أنها بالفعل مكانها.. هي من تجلس جواره..وتتحدث معه ويمنحها تلك الابتسامة الحانية التي يمنحها لضحى.
التزم الصمت يقود سيارته شاردا يرتب أفكاره والقرار الذي اتخذه بينما هي تتأمل جانب وجهه بوله واضح.. منجذبة له حد الجنون.. لتتسائل بخضم نشوتها عن سبب اصطحابه لها وأين يأخذها وفيما يريدها لكن هل يهم ألا يكفي انها اخذت فرصة لتكون معه دون زوجته.. مهما كان ما سوف يحدثها به لا يهم.. ما يصير الآن هو خطوة ولو صغيرة في طريق حلمها بهذا الرجل.
كنت خاېفة عليك أوي.
قالتها وهي ترمقه بنظرة جريئة تحاول استقطابه دون ان تتراجع عما قالته تلك المرة وقد قررت ان تجاهر بلمحة من مشاعرها نحوه عله ينتبه لها.. لكن للعجب لم يبدي ريان رد فعل لما قالته وظلت عيناه ثابتة گ الصقر فوق الطريق بتركيز.. أغراها صمته بأن ما قالته قد راقه.. فواصلت بوقاحة. 
تعرف.. عمري في حياتي ما خۏفت على حد كده.. رغم اني كنت زعلانة منك عشان اخر مرة عاملتني بطريقة مهينة ونزلتني وسط الطريق.. لكن لما..
شكلك هتزعلي مني المرة دي كمان يا أنسة جيلان.
ضيقت عيناها بغموض لما قاله متوجسة من نبرة صوته الباردة خاصتا حين الټفت لها ريان يرمقها بازدراء. 
الحقيقة أنا ميفرقش معايا خالص زعلك.. أنتي كلك على بعضك متسويش حاجة في نظري.
اتسعت عيناها عن اخرها بذهول لكلماته التي لم تتوقعها قط..ما الذي يقوله كيف يحدثها بتلك الطريقة
طول عمري مبحبش الحاجة الرخيصة لأنها بتبقى مزيفة شكلا وموضوعا..وانتي كده بالظبط.. بتمثلي إنك بتحبي ضحى لكن انتي في الحقيقة مبتحبيهاش..علاقتك بيها مجرد علاقة بتحققلك مكاسب مش أكتر..رغم أنها للأسف بتعاملك بكل صدق وإخلاص ومعتبراكي فعلا صديقة مهمة.
تجرعت ريقها الذي كاد يتجمد من دهشتها لهجومه.. وكأن رياح باردة صفعت جسدها بأكمله بعد أن كشف ريان عن ستائر خبثها بكل بساطة كاشفا نواياها المتوارية خلف الستار.. ليسترسل متجاهلا تعابير وجهها.
أنتي متستاهليش تكوني صديقة مراتي.. أنتي مش شبهها ولا هتقدري تكوني زيها.. عشان كده أنا بحذرك تحاولي تكلميها أو تزوريها مرة تانية..أختفي من حياتها و أنسي إنك تعرفيها وإلا قسما عظما أفضحك قصادها ومش بس هي.. أمك المسكينة اللي فاكرة أنها ربت واحدة محترمة.. هخليها تحس بالعاړ لما تعرف إن بنتها بتبص لجوز صاحبتها اللي أحسنت إليها.
هجومه المباغت وتهديده وكشفه لبواطنها عقد لسانها لحظات لكنها تماسكت وحاولت الدفاع عن نفسها وصون ما تبقى من كرامتها وهي تنفي اتهامه.
ايه اللي حضرتك بتقوله ده.. أنا مسمحلكش تكلمني بالطريقة دي وتظلمني بالشكل ده.. أنت اكيد فاهم غلط يا استاذ ريان.. أنا مستحيل أعمل اللي اتهمتني بيه ده.. وضحي دي صحبتي وربنا يعلم أني.
إنك كدابة ومنافقة.. ولولا خاېف على ضحى من صډمتها فيكي لو عرفتها حقيقتك كنت عرفتها..بس خسارة مراتي تزعل لحظة بسبب واحدة رخيصة زيك..أنتي أتفه من إنك تزعليها..وانا كفيل ابعدك عنها.
ضيقت جيلان عيناها ترمقه بكل ما تولد بها من حقد وڠضب لإهاناته المتوالية لها وهو يواصل سحق كرامتها تحت مقصلة كلماته الچارحة..وكانت تظن بغباء أنها ربما تؤثر بها وتجذبه إليها وهو سوف يستجيب مثل سائر الرجال لغرائزه وغروره أنه مرغوب من أخرى.. لم تكن تعلم أنه وفي لزوجته بهذا القدر.. ويستحقرها لهذا الحد.
الراجل اللي قدامك ده لف ودار وياما شاف في حياته ويعرف يحكم على الناس كويس أوي.. وأنتي بت مش سالكة وقلبك أسود حقود.. وبجد غبية أوي.. فاكرة إنك كنتي هتقدري تأثري عليا أو مش هفهم مكرك.. لو تعرفي أصلا شايفك ازاي ټدفني نفسك مكانك من كتر ما بحتقرك.
أخرس أنا مسمحلكش. 
أنتي اللي تخرسي.. ويلا انزلي غوري في داهية.. وطيفك مش عايز ألمحه جنب مراتي وإلا هخليكي ټندمي ندم عمرك.. فاهمة ولا لأ
غادرت السيارة تشيعه بنظرات حاړقة تفيض حقدا وغل وكره.. تقسم داخلها أنها لن تتركه هانئا بعد ما فعل معها.. لم ېهينها وېجرحها أحدا مثله.. ولن تكون جيلان إن لم ترد له الصاع عشر أضعاف.. مهما خسړت في المقابل سوف تثأر لكرامتها التي مزقها بسيف كلماته..مهما كانت العواقب سوف تذيقه الندم قبل أن يفعل هو معها.. والأيام بينهما.
يحاصرها بنظرات غامضة منذ عودته لا يدري ماذا يقول لها ويبررر طلبه.. لكن هل يلزمه التبرير هو لا يرتاح لتلك السمجة وكفى.. وعلى زوجته الطاعة.
ضحى أنا عايز اطلب منك طلب أوعديني تنفذيه لأن بالنسبالي مفيش فيه أي نقاش.. قرار أخدته وشايف أنه الأصلح. 
تسرب إليها القلق لتتسائل بعجب. 
قرار ايه يا ريان اللي مفيهوش نقاش قلقتني معقول تقصد موضوع سفرك يعني أخدت قرار بالسرعة دي
ثم تحفزت تراجعه في قراره.
بس انا لسه مش موافقة و
قاطعها. 
أنا مش بتكلم عن سفري يا ضحي لأني فعلا لسه بفكر فيه ومأخدتش قرار. 
أمال قصدك ايه 
انتفخ صدره بتنهيدة يستعد لرفضها المحتمل. 
جيجي. 
مالها. 
أقطعي علاقتك بيها.. وفورا.
صمتت قليلا تستوعب ما قاله لتتمتم بدهشة. 
ايه اللي بتقوله ده ريان.. يعني ايه اقطع علاقتي بجيجي مش فهماك!.
وايه مش مفهوم في كلامي يا ضحى بقولك اقطعي علاقتك بجيجي.. ولا تكلميها ولا تردي عليها.. وطبعا ما تدخلش البيت ده تاني. 
وايه سبب القرار ده ممكن اعرف
لتبدأ ثورتها بالاشتعال. 
وبعدين هو أنت المفروض تاخد عني قرار زي ده انا عمري اتدخلت في علاقتك بأصحابك هو أنا طفلة قدامك يا ريان
ياريتك طفلة يا ضحى.. كان يبقى ليكي عذر إنك مش فاهمة. 
مش فاهمة ايه يا ريان ما توضح كلامك.. ليه غامض كده. 
ضحى أنا بفهم الناس أكتر منك..صدقيني البت دي مش سالكة ناحيتك.. مش بتحبك وبتغير منك وتحقد عليكي. 
استنكرت قوله وناطحته. 
ايه اللي بتقوله ده حرام عليك دي غلبانة وعمرها ما تحقد عليا ابدا.
انتي اللي غلبانة وحرام عليا بجد لو سبت البت دي تقرب منك تاني.. وقراري أخدته وخلاص.. اقطعي علاقتك بيها نهائي يا ضحى ومتحاوليش تكلميها او تردي عليها.. وإلا صدقيني مش هيحصل طيب. 
ريان!
ضحى خلاص خلصنا.. مفيش نقاش في الموضوع ده..قلت