درس العمر بقلم ډفنا عمر الجزء الأول
ضحكني واستطردت تحاول التحكم برغبتها بالضحك طب انت عرفت منين انه عريس مش يمكن عايزك في حاجة تاني
صاح بغيظ منا سألته طبعا قالي على طلبه باحترام شديد ورخم حسيته خلاص قرب يقولي يا عمو أنا طالب إيد صاحبة الصون والعفاف والدتك إنجي هانم.
اڼفجرت ليان تضحك دون تحكم ليغمغم آدم بسخط شوفتي ليه مكنتش عايز اتكلم أديكي عصبتيني زيادة.
لتستطرد ببعض الجدية بصراحة يا آدم طبيعي جدا مامتك يجيلها عرسان دي زي القمر ما شاء الله وتبان أصغر مني مهتمة بروحها وشكلها بنت أكابر وأنيقة في نفسها عادي جدا حد يعجب فيها.
_ تصدقي أنا هرجعك البيت واروح عند أمي اسهر معاها هي وخالتو وبناتها أحسن
أثار غيظها متعمدا قصدك بوسي والله ليها وحشة.
اندفعت تقبض على عنقه پعنف صائحة بټهديد
طب أنا هخلي الدنيا كلها توحشك يا آدم.
قهقهة وحاول التخلص من يدها وهو يسعل يخربيت جنانك كنتي هتموتيني.
رمقها بتعجب أنتي بتتكلمي جد
صمتت عابسة واغرورقت عيناها ليشعر بتأنيب الضمير بعد مزاحه الثقيل مع قوله انتي عبيطة يا لولو عيونك تدمع عشان هزاز عادي
هتفت باكية لا ده مش هزار أنا مش ممكن أنسى ان مامتك حاولت تجوزهالك قبلي ما هي أكيد طالعة حلوة لمامتك وخالتك وممكن تفكر فيها.
رمقته بلوم حزين ليتنهد قبل أن يميل برفق حاني مع همسه هو أنا عيوني بتشوف غيرك ولا أحلي منك يا لولو شكلك متعرفيش بحبك قد ايه وبعدين يا عبيطة هو انا لو عايز بنت خالتي كان ايه منعني بس هي بالنسبالي أختي وهتفضل كده.
ثم غمزها بعبث أنت اللي خاطف القلب وساكن فيه.
_ حقك عليا يا قلبي.
ثم صاح متذكرا بغتة سبب ضيقه
خلينا بقا في النصيبة اللي أنا فيها دي جدو العريس بسلامته مستعجل علي مقابلتي وعايز يعرف رأي ماما بفكر ارفضه من غير ما حد يعرف.
_ بالعكس دي فرصة لازم نستغلها.
لمعت عيناها بمكر هقولك.
_________
خد رأيي باباك
نظر لها باستنكار قائلا يعني ايه يا ماما حضرتك بتفكري توافقي على الراجل ده عايزة تتجوزي
هزت كتفيها ببساطة وليه لأ أنا لسه صغيرة ومطلوبة.
_ صغيرة ماما انتي عديتي خمسين سنة.
_ ولد احترم نفسك وانت إش عرفك أنا لسه خمسة واربعين سنة وفي عز شبابي.
_ عز ايه
ثم مسح علي وجهه قائلا بلطف قدر استطاعته
يعني افهم من كده انك موافقة استقبل الموميا اللي هربان من الفراعنة ده واقوله انك موافقة
