رواية أنت لي بقلم ډفنا عمر الفصل الخامس وثلاثون والسادس وثلاثون
ملامحها نسخة من جدتها والدة بلال ومش قادرة اوصفلك أزاي سعادته أنها تشبه أمه بيقولي كل اما ابصلها أحس امي اللي قصادي!
ابتسمت سجدة ربنا يحفظها ليكم أنا بقى اللي واخد شكل جدته بالملي هو حسن ابني لكن بنتي شمس رغم أنها تؤامه بس مش شبه واخدة من بهاء شوية!! وأخر العنقود بشرى هي اللي نصفتني وطلعت شبهي وجبرت بخاطري!
تدخلت رغد هاتفة بامتعاض أنا بقى مازن ابني من حظي كل ملامحه تشبه جدته أم سيف مش واخد حتى شكل أفايا.
ضحك الجميع لمزحتها إلا ندى رغما عنها ألمها حديثهم أين قطعتها هي الأخرى التي تشبهها ويعشقها زوجها كما تصف كل واحدة منهن أبنائها..!
لا يعلم أحدا بحالها.. لم تخبرهم بشيء!
أيه يانودي مالك مكشرة ليه!
ندى بابتسامة زائفة لا يارورو مافيش سرحت في حاجة انا زي الفل اهو..!
لم تصدقها أروي فبعثت رسالة على هاتف رغد لتلفت نظرها كي تحادث ندى وتطمئن عليها..!
.
_ ممكن اعرف بقي مزتنا الحلوة مضايقة ليه
رغد بربتة على كتفها معتصم مضايقك في حاجة اتخاتقتوا مثلا طب مامته مزعلاكي او بتعاملك وحش
أجابت بالعكس يارغد.. معتصم ده نعمة كبيرة واتمنى أكون أستحقها.. ومامته لسه لحد دلوقتي بتحبني!!!
رغد بحاحبين مقطوبين يعني أيه لسه بتحبك!
لم تقوى ندى على الصمود أكثر وداخلها ينهار فعليا طوال الوقت تحاول التماسك أمام زوجها حتى لا تتسبب له بالضيق وتكتم داخلها القهر والخۏف من القادم!! أما الآن فهناك فرصة للبكاء على كتف صديقتها لتشاركها بعضا من حزنها الذي يكاد يهلك روحها..!
بس بعد كده احكيلي كل حاجة تعباكي ومين عارف حبيبتي يمكن ربنا يسخرني اساعدك قد ما اقدر!!!!
مضى وقتا اسټنزفت فيه ندى كل دموعها وقصت لصديقتها ما قاله الطبيب عن حالتها وكيف كان رد فعل معتصم وكم دعمها وكم تحزن لأجله!!
ندى ذنبكم أيه تشيلوا همي وتزعلوا..!
رغد ولو ماشيلناش همك ايه فايدة صداقتنا العمر ده كله! وبعدين فين الهم ده اصلا..!
ندى بضيق رغد ارجوكي ماتسخريش من مشكلتي وتحسسيني إنك مش مقدرة اللي أنا فيه لو سمحتي!
رغد بابتسامة أنا مش بسخر منها بس كمان هي مش اخر الدنيا الدكتور قالك فرصتك موجودة بس عايزة وقت وعلاج امال لو لاقدر الله قالك متحاوليش من اساسه ومع كده والله ياندى حالات كتير الأطباء أحتاروا في علاجهم وعجزوا..!
بس ربك مابتنتهيش عطاياه ومعجزاته ورزقهم بفضله.. ربنا عايز يسمع صوتك ياعبيطة عايزك تدعيه وتترجي ووالله ما هيرد ايدك فاضية وبكرة تفتكري كلامي وانتي شايلة عيال مزز كده زيك!
ضحكت ضحكة قصيرة هتعملي زي معتصم بيقولي هتجيبي بنات مزز زيك يتعاكسوا وانا اټخانق كل يوم بسببهم معادا الجمعة هاخدوا أجازة!!
اتفجرت رغد لدعابة معتصم هاتفة وربنا الواد معتصم ده سكر!!
ندى بعدوانية أحترمي نفسك يابت انتي! سكر في عينك.. هتعاكسي جوزي حبيبي قصادي!!
رغد وهي تلاعب حاجبيها بمشاكسة ياواد ياغيور ياشرس أنت!
طب يلا ياقلبي تعالي نطلع لسجدة والولاد وماتفكريش تاني في حاجة وفرفشي وماتزعليش جوزك عليكي ياهبله وتنكدي عليه الراجل يكره النكد! .. واعملي حسابك مش هتمشوا قبل اسبوع!!
ندي باعتراض انتي بتهزري وشغل معتصم وكمان هنقعد فين بلاش إحراج شوية وهنمشي وحلو كده!
رغد يمين بالله ماتمشي انا متفقة مع سيف هنسيبلكم الدور التاني انتي وجوزك وهننزل احنا عند والدته تحت وهي اساسا ماهتصدق عشان ميزو حتى سيف فرح جدا.. اصل بيني وبينك يابت يانودي كانوا عايزين
