سهرة. منتصف الليل

لانك انقذتي ليلي والبنات بس لكن

________________________________________

مانقذتيش نفسك عارفه ليه لان صورك لسه موجوده معايا 
قال جملته الاخيره وضحك مره اخري
_ انت كداب علي فكره لو معاك اثبتلي ووريني
وبالفعل اخرج هاتفه وبعث به ثم وجهه امامه لتظهر صورتها وهي تخفي جسدها بالمنشفه قائلا 
محتفظ يا برنسيسه بكل صورك علي موبيل وعايز اعرفك انك غبيه اوووي معني انك عرفتي ان صور ليلي معايا ودي حاجه ميعرفهاش غير الاستاذ سيف يبقي ايييه يا واد يا عمر اااه يبقي سيف الي دخلك الشقه ده احنا ليلتنا فله نهارده مع بعض

اخرج من سترته السلاح الخاصه به ووجهه ناحيه فريده وليلي هاتفآ 
يلا كده زي شطار قدامي علي جوه يلا انتي وهي
تحرك معه ودلف كلاهما الي داخل الملهي نهض سيف ونوجا من مكانهم بهلع ليقول سيف 
ايه الي انت ماسكه ده 
_ اششش دورك جاي لسه امشي يا نوجا انتي دلوقتي
اومات نوجا راسه بالايجاب ثم قالت 
اوعي تتهور يا عمر وتضيع نفسك خليك عاقل
ليقول عمر بنفاذ صبر 
امشي يا نوجا واخلصي
خرجت نوجا تحرك عمر خلفها ثم قام باغلاق باب الملهي من الداخل بالمفتاح ووضعه في سترته
توجه ناحيتهم ثم جلس وبدا النظر الي مسدسه والعبث بيه هاتفآ 
يلا انا مستني اعرف الي حصل وازاي فريده وصلت شقتي
كادت ان ينطق سيف ولكن نطقت فريده قبله هاتفه 
انا سړقت المفاتيح من سيف وروحت
_ وياتري بقي كان مكتوب علي مفاتيح عنوان الشقه ولا كمان مكتوب ان صورك انتي ليلي علي لاب توب بتاعي بردو ده ايه المفاتيح فتانه دي
_ انت كمان وريت صوري لعمر وخليته يحفظها عنده 
قالتها ليلي وهي تنظر الي سيف بعتاب ولوم
وسيف يقف صامتآ ويلعن اللحظه التي استمع بها الي فريده لقد ډمرت كل شئ بافكارها الحمقاء
_ ايه يا برنسيه ما تجاوبي عرفتي عنوان شقتي وان صور علي لاب توب بتاعي ازاي 
_ مشيت وراك وعرفت العنوان والصور كان مجرد تخمين مش اكتر
_ خمنتي ازاي بقي ان صور ليلي عندي برغم ان ليلي قالتلك ان سيف الي ماسك عليها الصور مش انا
اجابته فريده بنفاذ صبر 
معرفش اهو الي حصل متقرفنيش في الاسئله بقي
ضحك عمر وهو ينهض من مكانه هاتفآ 
البيه سيف لما شافك شجاعه وعايزه تجيبي صورك لاقها فرصه ينقذ بيها السنيوره بتاعته راح قالك بقي علي مكان الصور وطبعا عشان هو جبان محبش يظهر في الصوره فطلب منك تسرقي المفاتيح وبكده الكاميرات هتجيبك وانتي بتسرقي ويبقي سيف يا حرام غلبان معملش حاجه وبكده صور حبيه القلب تتمسح صح يا سيف !
حرك سيف راسه بالنفي قائلا 
لا طبعا مش كده انا مليش دعوه بحاجه
_ يا جدع قول غير كده
قالها عمر ثم اقترب من فريده وهو يقول 
قولتلك مليون مره انا مش عايز اسيب شيطاني عليكي وائذيكي وانتي مفيش فايده فيكي مصممه تشوفي شيطاني
هتفت فريده بزعيق 
_ ما تسيبنا في حالنا يا اخي انت صنفك ايه بجد ايه القذاره الي انت فيها دي ! خونت صاحبك وهكرت موبيله واتفرجت علي حاجات مش من حقك تشوفها اصلا ومسكت عليه صور ليلي عشان يجيبها تشتغل هنا يااما الصووووور تنزل علي نت هكرت موبيلي ومسكت عليا صور وبردو هددتني يا ما اشتغل هنا يا الصووووووور تنزل مع ان المكان هنا مليان بنات وكلهم شغالين بمزاجهم يعني مش انا وليلي الي هنشغل النايت زفت بس انت محبتش تشوف صاحبك بيحب واحده وهي بتحبه وانت مش لاقي حد يعبرك فقررت بقي تجيب حبيبته هنا وتخليه يشوفها وانت بتحضنها قدام عينه ويتقهرر وميقدرش يتكلم محبتش بردو تدخل صفحه فيس بتاعه واحده وتلاقيها مش منزله صورتها فقررت بقي تهكر موبيلها وتتفرج ولما تشبع من الفرجه تخلي رقبتها في ايدك وتذلها براحتك اي كلمه يبقي ردك جاهز صورك هنشرها ده غير ال Night club ده بتخلي نوجا تاكل عقل البنات الصغيره وتجيبهم يشتغلوا هنا وحضرتك بتصورهم والله اعلم بقي هتهددهم بالصور مقابل ايه انت شيطان ملعوووون شييييطااااااان
مط شفتيه بتفكير من كلماتها تلك ثم هتف 
ليلي بعتت صورها لسيف بمزاجها والبنات الي نوجا بتجيبهم هنا جاين بمزاجهم هي مضربتهمش علي ايديهم عشان يشتغلوا هنا لا بتعرفهم طبيعه الشغل ايه وبيوافقوا لكن انتي مجتيش بمزاجكك كنتي قاعده في دنيتك وانا جيت هكرت موبيلك ومسكت الصور عليكي ومن يوم ما جيتي وانتي بتحاربي عشان تخلصي مني سبق وقولتهالك مش هتخلصي مني غير بمزاجي وانا هخلصك منك نهارده وارجعي لدنيتك وجامعتك الي وحشاكي ليكي نسخه من الصور علي موبيلي ونسخه تانيه علي فلاشه في شقتي لو كنتي علي ترابيذه كنتي هتشوفيها الموبيل اهو امسحي صورك كلها والفلاشه تعالي معايا دلوقتي وخديها وبكده يبقي مفيش اي حاجه ماسكها عليكي
تناولت الهاتف منه ثم قامت بمحو صورها وتاكدت من سلسه المهملات