غنوة الداغر بقلم ميفو السلطان
كده ال عيال ال والبومه مراته ماشفتهاش لسه اما اشوف والله لو قربت مني لاشقها نصين انا علي اخري اهو كل ضړب متي وولعت في عربيته لسه الزباله التانيه بس هو لو عرف اني انا اللي ولعت في عربيته هيعمل ايه هييطين عيشتي انا عارفه ماهو جاحد وقادر بس لا والله لو بس فكر في حاجه لاوريه لتتنهد بس انت علمتي عليه يا بت لو لمحك هيمرجحك وابتسمت ياختاي دا كان عامل زي الطور اضرب فيه ويرد الضربه بعشره واخرتها لتصمت قليلا ايه قله ادبه دي ناس بتتخانق بوشكلو قليل الادب وساڤل دا هراني منه لله لا مش هستحمل يعرف انا مين خلاص اتكتمي بقه وابعدي عنه لتتنهد يا رب هون ايامي هنا انا قلبي بيوجعتي وكل ده عشان القمر اللي نايم زي الملاك والله ملاك ربنا يخليكي ليا يا قلبي بنتي وحبيبتي اقدر اسعدك ماحنا مالناش حد الا بعض لتنام بجوارها وتغط في نوم عميق منتظره ايام لا
نزل داغر واتصل باحد مركز الاثاث الشهير لتحضير حجره فخمه واتفق عليها وخصص احد الحجرات الكبيره
علي امل ان
تكون الحجره جاهزه تاني يوم لتدخل عليه ميساء قوضه المكتب ايه اللي بتطلبها لمين دي
ليهتف اقعدي يا ميساء هنتكلم بس يا ريت تهدي وتسمعيني كويس
لتقطب جبينها وتهتف فيه ايه قلقتني
ليتنهد ويحكي لها ما فعله
لينظر اليها پغضب اتكلمي عن نسمه كويس ماهسمحش تنطقي عليها بكلمه وانت عارفه لو قلبت
عليكي فلمي نفسك بقه انا علي اخري
لتصرخ جايبلي ضره تاني تاني
يا داغر انت ايه ما بتهمدش
ليهتف بهدود عشان بنتي يا ميساء اللي ماهنش عليكي حتي تبصي في وشها اللي سيبتيها لامي وطلعتي ولا حتي صعبت عليكي صريخها وامي العيانه اللي سهرت بيها عايزاني اعمل ايه
ليبهت من كلامها ويهتف پعنف بنتي ماتبعدش عن بيت ابوها فاهمه بنتي دا بيتها وكلمه تانيه مش عارف ممكن اعمل فيكي ايه
لتهتف انت خلاص بطلت تحبني من زمان عارفه عشان كده رحت جبت واحده والتانيه ماعاش الزمك ما تقول لو مش عايزني اغور من هنا
ليتنهد ويهتف والله انت اللي بتلفي وتحربي انك تخربيها انا كل اللي عايزه اربي بنتي مع حد بيحبها ويحن عليها وتتربي في بيت ابوها انت ايه دخلك عايشه سنين معززه مكرمه تنكدي عليا عيشتي ومابنطقش غيره وقرف وتحقيق ونكد كل يوم مابنطقش وسايبك عشان ما ضايقكيش انما لحد بنتي تلزمي حدودك وغنوه مالكيش دعوه بيها اللي عملتيه من ورايا في نسمه ما هسمحش بيه وعموما هيا مش هتسكتلك من اساسه
ليهتف اسمها مراتي مش حته فلاحه مراتي ويا ريت ماتعيشيناش في نكد عشان ماتخربيش علي نفسك انت مش حد تاني وتركها وذهب تغلي لتهتف طب انا خلصت من زفته تجيلي تانيه طب ايه اعمل ايه اقهرها زي البت التانيه ايوه والله لاذلها زي ما ذليت نسمه انا مش هسكت الا اما اطفشها اهي واحده ماټت وريحتني اما اشوف هعمل في التانيه ايه
تداعب ملك بعد ان استيقظت لم ترد ان تنزل لهم فهيا تعتبر نفسها غريبه لتسمع دقات علي الباب لتدخل عليها فتاه جميله تبتسم لها وتهتف انا مريم اخت داغر وانت غنوه مراته نورتي يا قلبي البيت اخيرا هلاقي حد قدي اكلمه
لتبتسم غنوه لها فكانت فتاه عفويه لتكمل مريم انا ماصدقتش لما قالولي والله بس اخويا داغر ماحدش يتوقعه والله وشكلك عسليه وقمر لتطرق غنوه وعفويا تتلمس ندبتها لتهتف مريم علي فكره قمر اوي تجنن والله وانت عسليه لتبتسم غنوه لتهتف انت حقه قريبة نسمه بس ايه هاديه زيها الله يرحمها كانت هاديه غلبت اقرب منها وهيا يا قلبي قافله علي روحها يلا الله يرحمها
لتهتف مريم داحنا هنعمل عماايل انا خلصت كليه بيزنس انت خريجه ايه
لتهتف غنوه انا خريجه تجاره
لتهتف مريم زمل يعني طب ايه الواد المز اخويا وقعك ازاي دا اسطوره والله
لتنهد غنوه وتهتف انا هنا عشان ملك يا حبيبتي
لتهتف مريم وماله يبقي ملك وابو ملك حد قمر كده يبقي مرات اخويا
لتهتف مانت عندك مراته التانيه ماهي قمر برضه
لتهتف مريم اسكتي يا ساتر سيبيني سكته بكره تشوفي القمر دا وابور الجاز اطيب منها اسكتي نعمل ايه قدر اخويا الحزين تمن سنين غم يلا الله يهديها يلا قومي اما ننزل نقعد مع ماما
لتهتف غنوه لا خليني انا مرتاحه كده
لتهتف لا
والنبي ماما تعبانه وقلبها تاعبها والسنه تعبنها من اول تعب نسمه لمۏتها ماما موجوعه اوي كانت بتحب نسمه اوي وانا والله بس هيا اللي قفلت علي نفسها ماعرفش ليه وابيه داغر غلب يراضيها يلا قومي قومي يا شيخه
لتقوم غنوه وتاخذ ملك وتنزل بها لتجد ناديه تجلس بمفردها لتقترب منها وتهتف ازيك يا طنط كويسه دلوقتي
لتبتسم ناديه كويسه يا حبيبتي طول مانتو كويسين ليجلسا معا ويثوثرا ليدخل عليهم داغر وجمال ليجلسا ليهتف جمال مبروك يا مدام والا اقول غنوه علي طول
لتنظر اليه وتبتسم بتكلف لا حضرتك انا مش مدام انا غنوه
ليقطب داغر حاجبيه ويرتبك جمال ليهتف عموما نورتي يا رب يتمم بخير لتبتسم له وتصمت لياتي داغر ويجلس بجوارها وجمال عيونه علي مريم فهيا لا تقربه ابدا لتهتف مريم بقلك يا ابيه انا خلصت شغل وعايزه اجي اتدرب في الشركه واشتغل
ليهتف ليه يا مريم ناقصك حاجه اقعدي بلاش بهدله
لتهتف بس انا عايزه اشتغل يا ابيه ايه المشكله
ليهتف المشكله انك مش ناقصك حاجه ليه تشتغلي وتبهدلي نفسك
ليصدح صوت ميساء وتهتف ايه يا مريم اخوكي عايز يريحك الست تقعد كده وتحط رجل علي رجل وجوزها يجبلها اللي هيا عايزه
لتهتف مريم دا انت يا ميساء انما مش كل الستات انا عايزه اشتغل
لتضحك ميساء والله مش كل الستات لتنظر الي غنوه وتهتف اه ماهي غنوه اهيه مش غنوه برضه قاعده في البيت وجايه عشان داغر يعملها اللي عايزاه لا طلبت شغل ولا بهدله ولا هتطلب حد يلاقي العز ولا ياخدوش
ليشعر الجميع بالحرج لتبتسم غنوه ومين قالك يا مدام اني جايه عشان يتعملي اللي انا عايزاه اما ابقي اټشل ابقي اطلب من حد حاجه انا هنا بشتغل علي فكره وعز ايه مش فاهمه هو حد قالك انا جايه من ورا الجاموسه العز ده عز النفس اللي كتير ما يعرفهوش عز لناسه اصل فيه ناس حعانه وفاكره الفلوس بتعملها قيمه مريم عايزه تشتغل ايه المانع ايه اللي ينقصها رجل والا ايد عشان تشتغل وقصه وهوليله وحوار بجد مش مصدقاكو
لينظر اليها الكل باعجاب خاصه داغر الذي افحمها ردها
لتهتف ميساء ايه ده دانت بتعرفي تتكلمي اهه
لتنظر اليها غنوه بسخريه تصدقي بعرف اه عندي لسان تخيلي ربنا خلقني وعندي لسان وبعرف استخدمه من عقلي بدل ما فيه السنه بتنطح من غير عقل ربنا يشفي لتقوم وتهتف عن اذنك يا ماما ملك عايزه ترضع تصبحو علي خير وتركتهم وصعدت ولم تنظر لاحد ليحس داغر بالحرج من تجاهلها له
ليهتف لميسا انت مابتقعديش في حته الا اما تهبشي في الكل انت ما بتهمديش دا مرار
لتهتف ايه قلت ايه انت مش عاجبك حاجه اما اقوم اتهبب اطلع فوق في داهيه بت بومه
لتهتف ناديه وانا هقوم انام بكره الحاجه هتيجي يا حبيبي صح من بدري
ليهتف ايوه يا امي العفش جاي بكره
لتهتف ربنا يسعدك يا قلبي تصبح علي خير
ليقوم داغر ويخاطب جمال انا رايح المكتب تعالي جوا بس هطلع اشوف حاجه وجاي وترك جمال وصعد لتلك التي تجاهلته ليدخل عليها منفعلا ليهتف انت ايه مش فيه واحد تبصيله وانت طالعه والا مالكيش جوز
لتضحك جوز يلا يلا انزل من سكات مش ناقصه هري
ليربع يديه ويهتف والله اكن جوازك هري دا بدايه حلوه والله
لتصرخ فيه يا جدع انت هيا قصه جوازك جوازك مانت عارف اللي فيها الله دا ايه حرقه الډم دي ماتعقل بقه الله بدل ماوالعهالك هنا
ليقول تصدقي
انت اللي
بټحرقي عالفاضه غلايه شغاله حړق بلا هدف ودماغك متعبيه تبن
لتصرخ تبن في عينك ماتلم نفسك انت فاكرني هسكتلك لا انت ومراتك تتلمو انا مش هستحمل
ليهتف مانت ماسكتيش وبلسانين وخدتي حقك منها ايه تاني
لتقول بانفعال طب يلا بقه انت عايز تجبلي جلطه في قلبي
ليقترب بخبث لا جلطه ايه انا دماغي في حاجات تانيه هجيبها بس عالهادي الا الوابور ماينفعش معاه السريع الغلايه هتلين عالهادي وتسيح والحجر هيبقي ميه تنزل عالقلب تسيحه اكتر ماهو سايح
لتصرخ انت بتهبد بتقول ايه واتلم بقه احنا بينا اتفاق انت خليك راجل
ليضحك لا ما الاتفاق لو تم هيشكو في رجولتي حد يبقي قدامه مز طايح كده ويعقل
لتنظر اليه پغضب طب يلا بقه من هنا بدل ماتغابي عليك دا ايه حرقه الډم دي
ليقترب منها لتصرخ والله لو قربت اطين عيشتك
ليمسك يدها ويشدها لتتحكم في نفسها كي لا ټتشاجر معه وتفضح نفسها ليهتف ايوه اهدي واكتمي كده ومين اللي هيسيب العسليه ام شعر احمر تتغابي دا حتي يبقي عيب في حقي يا مز قبل مانزل زمانهم بيقولو ايه الواد قالبها مردغه وضحك
بعد ان صعد داغر للاعلي لتجد مريم نفسها مع جمال لتهب لكي تترك المكان ليقف امامها ليهتف لحد امتي هتفضلي تعاقبيني علي الزفت اللي قلته سنه كامله اعمل ايه اعتذرت مېت مره
لتهتف وانا قبلت اعتذارك ايه مشكلتك
ليقول پغضب انت مشكلتي انتي لو قبلتي اعتذاري كنا رجعنا نتكلم زي الاول انما انت مصدرالي وش طين علي دماغي مش عارف اعمل ايه
لتهتف ماتعملش يا جمال عادي كانت شبه صداقه وطلعنا مش شكل بعض عادي خلصت عن اذنك واستدارت
ليمسكها ويهتف مريم بالله عليكي اعقلي بقه انا تعبت من المداديه وشغل العيال ده انا خلقي ضيق
لتنظر اليه پغضب وانا مالي خلقك ضيق خليهولك وريح حالك وتعبت يبقي تسيبني في حالي اسمع يا جمال انت حد مختلف عني فيا ريت تبطل بقه وتشيلني من دماغك عن اذنك بقه وتركته ومشت
ليدخل علي داغر ويجلس والڠضب ياكله ليهتف والله لو ما عقلت اختك لاهبدها علقھ اخلص عليها انا زهقت وقرفت
ليهتف داغر حد قالك تحب عيله
ليهتف لا والله ظريف يا واد امال مين اللي ساحبلي قطه وجاي بعد
