نوفيلا حارة رمضان الجزء الأول
ياختي اديني قلعتها برة..ياريت بقى حد يعملي لقمة أحسن جعت اوي من لعب الكوره.
_ استني اما ابوك يجي من برة عشان نتغدى كلنا ياحبيبي على متاخد حمام وتصلي يكون جه.
_________
في غرفة. نومهما بعد تناول الغداء.
_ ايه الطلبات دي كلها يا ام رامي ده خړاب بيوت مش ياميش انتي عارفة الاسعار بقيت ازاي دلوقت ده حتي المحل مابقاش يجيب همه زي الأول.
تنهد مسلما أمره ربك يسخرنا لبعض في الخير ويعطينا من فضله المهم خلي طلبات الياميش شوية كده لما يقرب رمضان ويكون ربنا وسعها عليا.
_ يارب.. طب انا هنام ساعة زمن.. ابقي صحيني عشان هنزل اقابل ناس علي القهوة.
_ من عنية ونوم العوافي يا حاج.
________
ايدك على خمستاشر جنيه ياعم شكشك
انزعج العجوز وهو يصيح بعد أن سعل قليلا شكشك في عينك أسمي عمك شوكت مش شكشك يا ولد يا قليل الرباية..وبعدين خمستاشر جنيه بتوع ايه
رمقه بضجر ثم بحث بجيب جلبابه وأخرج بعض النقود قائلا خد سبعة جنيه اهو.. ولو انك ماتستاهلش بعد شكشك اللي بتقولهالي دي.
نظر أحمد للنقود باستهانة
_ هو انا بشحت منك ياجدي انت بتفاصلني في تمن الزينة.. طب وربنا الواد حمادة اللي في الحارة التانية لم من كل شقة عشرين جنية.. وانا قلت اخفف عليكم..
ليه إن شاء الله هتعملوا فرح ده شوية ورق جلاد من بتاع كراسات المدارس.
مسح الصغير علي وجهه بغيظ مكتوم ياجدي ورق ايه احنا هنجيب فانوس كبير اوي بينور هيتعلق في نص الحارة..ده غير قماش الخيامية اللي هنعمله فروع زينة مش ورق خالص.. ولا عايز الحارة اللي جمبنا تبقي أحلي من حارة رمضان بتاعتنا
_ بسيطة.. هات افكلك ياعم شك.. رمقه العجوز بتحفز من أسفل عويناته العتيقة فتدارك أحمد أمره باستطرداده قصدي يا عم شوكت.
_قلت ممعيش فكة يا واد.. يلا روح لحالك.
جز الصغير علي أسنانه ماشي ياعم... شكشك.
قالها وركض قبل أن تطاله عصي العجوز الذي صاح خلفه پغضب شوف قليل الرباية طب والله لأقول لابوك يربيك يا ابو لسان.
_ الواد ابن متولي بتاع الفول.. أل عايز خمستاشر جنيه للزينة.. وكمان ابو لسان طويل قالي عم شكشك وجري قبل ما اطوله الفرقع لوز ده.
ابتسم هارون خلاص يابا متزعلش انا هحاسبه كده كده هشوفه تحت دلوقت.. تعالي بقي عشان افطرك واديك علاجك قبل ما انزل.
_ رايح فين بدري كده يا ابني
_ هعدي على العتبة اتفق علي طلبية الفوانيس ومفارش رمضان وشغله الجديد وحبة رفايع كده.. خلاص شهر الغفران قرب كل عام وانت بخير ياغالي.
_ وانت بالصحة والسلامة ياحبيبي.. ربنا يفتحها في وشك ويسهلك الصعب يا هارون..
_ اللهم امين.. هصحي الواد طارق هو كمان عشان يفطر ويروح المدرسة.
راجل بخيل وچلدة يا ساتر عليه
_بتكلم نفسك ولا ايه يا احمد
_ لا يا ماما بس متغاظ..كل الحارة اديتني فلوس الزينة إلا عم شكشك.. اداني سبعة جنيه بس.
قهقهت قائلة ده راجل بركة وطيب ودمه شربات.. كنت قول لابنه هارون كان اداك اللي انت عايزه.
_ اعمل ايه خبطت لقيت عم شكشك في وشي.
_ معلش المهم يا واد عايزك تملي الحارة زينة وتخليها بتلمع وتبرق كده.. الحارة اللي جنبنا بقيت تزغلل العين من جمال زينتها.
_ وغلاوتك لاخلي الكل يحلف بجمال زينة حارة رمضان..ده أنا ناوي اجيب خيامية وهعمل شغل محترم محدش عمله قبل كده.
_أما نشوف..يلا سبني بقي اشوف اللي ورايا متعطلنيش..
_ ماشي.. بس يكون في علمك انا هروح العتبة انا واصحابي بعد شوية
_ ليه بقى
_ عشان الزينة والفانوس الكبير هناك هنجيبه أرخص.
_ لوحدكم يا ابني أخاف عليك..استني ابوك
