نوفيلا حارة رمضان الجزء الأول

شقيقها سيب اختك في حالها يا سالم انت مش بتدفع من جيبك. 
لوح الأخير بكفيه مستسلما خلاص خلاص دي ماكنتش كلمة قولتها.. دلعها ياحاج براحتك أنا هستعد عشان اوصلك. 
_ لا خليك انت أبن عمك عبد اللطيف جارنا هيوصلني بالتاكس بتاعه..هو أولى من الغريب. 
قالها ثم توجه ليستعد لسفره القصير. 
___________
عائلة الكنفاني! 
بلح وعجوة وزبيب وجوز هند وقراصيا وتمر وقمر الدين
راحت تردد خلف والدتها ما تكتبه تمر وقمر الدين خلاص كده يا ماما ولا هكتب حاجة تاني 
بدت عليها علامات التفكير مغمغمة حاسة في حاجة ناقصة في ياميش رمضان يا بت يا مي.. اللهم صل على النبي.. ناقص ايه يا أصيلة.. ناقص ايه! 
ثم صاحت متذكرة أه افتكرت المكسرات.. لوز وفستق وبندق وفول سوداني عشان احشي القطايف والكنافة اول يوم. 
طوت الورقة وأعطتها لوالدتها كده كتبت كل طلباتك يا ست الكل.
_ حلو خليها معاكي وابقي أديها لابوكي لما يجي. 
صاحت سريعا أقسم بالله ما يحصل..عشان يفش غله فيا أنا المسكين هيتصدم من الطلبات اللي مكتوبة في الورقة أساسا..والأسعار بقيت ڼار. 
هزت رأسها بامتعاض طول عمرك بت واطية ثم نزعت منها الورقة هاتي يا اختي انا هقوله هخاف ولا هخاف ماهو كله ليكم عشان الخشاف يكفي هو وحشوة الكنافة والقطايف طول الشهر 
_ عيشي انتي يا أصيلة.. أنتي وجوزك أحرار مع بعض.. واستأنفت تستفسر عن شيء صحيح يا ماما.. هو ايه الفرق بين الياميش والخشاف ولا هما واحد
_لأ طبعا مش واحد اليامش هو اللي مكتوب في الورقة دي.. الخشاف بقى هو نفس المكونات دي بس بتتنقع في عصير قمر الدين لحد ما بتطرى وتدوب شوية فهمتي يا مي
أومأت بتفهم سبحان الله أهو كده فهمت. 
ونهضت لتغادرها ماشي يا ماما هروح انا ابص بصة على الفيس عايزة حاجة مني تاني
_ أه يا حبيبتي عايزاكي تنسي المحروق علي عينه التليفون والفيس ده خالص وتبدأي في تنضيف الشقة.. الوقت بيجري وهنلاقي نفسنا في رمضان ومعملناش حاجة. 
صاحت معترضة ماما لسه شهر بحالوا أهد حيلي ليه من دلوقت وبعدين داليا عندك..اشمعنى أنا اللي انضف
بنعومة حدثتها عشان انتي يا حبيبة امك اللي مريحة قلبي نشيطة وخفيفة وبتصحي بدري انما اختك داليا بروطة ويومها بسنة.. انتي تروقي وهي عليها تعليق الزينة وتفريز الأكل معايا في المطبخ اما شغل المواعين بعد الفطار طول رمضان مش هخليكي تحطي ايدك فيه أنا وهي بس اللي هنعملوا.. ايه رأيك بقى 
قيمت الأمر سريعا بعقلها ووجدت به مكسب ليس سيء ستبذل مجهود بتنظيف المنزل وفي المقابل ستنال الراحة طوال شهر رمضان والصيام. 
_ خلاص يا ماما موافقة بس خليكي فاكرة طبق مش هغسله في الصيام.. وتعرفي بنتك كده.. أمين
_ أمين يا ستي..قومي بقى لمي السجاد وابدأي فيه عشان ينشف براحته. 
_ ماشي.. استعنا علي الشقى بالله..ابقي حضري مرهم الركب والمفاصل يا غالية. 
اه يانا ياضهري.. اه يا ايدي.. أه يا كتافي. 
_ متبطلي يابت دلع كل ده عشان غسلتي سجادتين ده انا ياما عملت وماكنتش بقول اه..بت هفأ. 
_ أنا هفأ وخيخة وزي ما بتقولي بس انسي اني اغسل السجاد تاني.. أنا حاسة دراعي كله هيتخلع من كتفي. ولعلمك دي تنضيفة العيد..متجيش وقتها تقوليلي عايزين ننضف تاني.. أخري هغير ملايات السرير والف بالمكنسة علي الشقة وشكرا أنا بقولك من دلوقت اهو. 
_ طب كفاية ندب ولمي المية اللي في الأرض واخلصي قبل ما رامي اخوكي يجي ولا ابوكي.. احسن حد فيهم يتزحلق بعد الشړ وتبقى سنتك بيضا معايا. 
_ لأ كله إلا بابا حبيبي.. هوا وتكون الأرض ممسوحة وفلة. 
...... .
حملقت بحذائه الملطخ بكتل طينية والتي أوشك شقيقها أن يلج به فحدجته مي بنظرة أوحت له بالړعب وهي تصرخ عليه أنت رايح فين يالا أقلع جزمتك المطينة يا رامي أنا لسه ماسحة حرام عليك. 
_ ياشيخة صرعتيني هو انا داخل مسجد. 
_ أيوة داخل مسجد لم الدور بقى واقلع الجزمة وهاتها في ايدك.. 
انتي بتزعقي لاخوكي كده ليه يامقصوفة الرقبة
_ عشان أنا مش هخلي ابنك الحيلة يضيع تعبي يا ماما.. يرضيكي يبهدل الدنيا بعد ما نضفت
_ لأ بس برضو ماتعليش حسك على اخوكي. 
رامي بضجر خلاص ارتاحي