رواية "أشرقت بقلبه" بقلم ډفنا عمر الجزء التاسع

ببعض الخجل وحقا لا يدري سبب تحايله هكذا على الفتاة متظاهر بجهل وجهته سببا مبهم دفعه لهذا التصرف فقال  رايح لواحد صاحبي اسمه زين.
صاحت بعد أن علمت من يقصده قصدك أستاذ زين عبد القوي ده بالظبط بنا وبينه شارع واحد طب اتفضل اوصلك لهناك هو البيت مش بعيد وانا هتمشى إلا لو حضرتك تعبان من الوقعة ومش هتقدر تمشي.
قال سريعا  لالا بالعكس خلينا نمشي مادام البيت قريب.
أومأت له و واصلت سيرها بصمت لينتابه فضول لمعرفة أسمها هو أسم حضرتك ايه يا أنسة
وقفت بغته وطالعته بحدة قائلة بتحذير  بقولك ايه يا جدع انت مش عشان بساعدك تستهبل وتحاول تصاحبني يا تخليك في حالك وتمشي ساكت يا أما هسيبك تتوه لوحدك.!
أسرع بقوله خائڤا أن تسيء فهمه 
لالا خلاص هسكت أحسن لو سبتيني ممكن أتوه فعلا هنا. 
رمقته بعدوانية قبل ان تستأنف سيرها فاختلس إليها النظرات وهو يقيم هيئتها التي بدت شديدة الرقة بثوبها المحتشم جذابة كثيرا هذه الفتاة وأكثر ما جذبه لها شهامتها وبسالتها كانت تستطع تركه دون مساعدة لكنها خاطرت بحياتها لإنقاذ شخص لا تعرفه كان يظن ان مثلها لم يعد لهم وجود أخيرا وصلت لاول الشارع الذي يقصده قائلة  بيت صاحبك في اخر عمارة علي الشمال شقة ستة الدور التالت.
وقبل ان يشكرها اصطدم بوجه صديقه زين الذي رمقهما معا صائحا بدهشة سارة وأديب! 
رجف قلب الأخير من أن ينكشف أمر حيلته للفتاة.
وأنه خدعها بشأن جهله للمكان.
بقالي ساعة بدور علي البيت بتاعك يا زين
هكذا أسرع أديب ليمنع مبادرة صديقه بالحديث وكشف حيلته مواصلا لولا الأنسة كتر خيرها ساعدتني وجابتني
صديقه ببلاهة  نعم!
سارة بتلقائية ده كان شكله تايه ومش عارف يوصل لبيتك يا استاذ زين عموما حمد الله علي السلامة عن أذنكم.
زين متعجبا بعد رحيل الفتاة  مين ده اللي كان تايه!
دفعه أديب أمامه يقوده عنوة بعدين افهمك بس نطلع البيت.
_ ممكن بقا افهم حصل ايه معاك وليه كدبت انك مش عارف البيت وايه لمك أصلا علي سارة جارتي
هكذا أعرب زين عن دهشته فورا بعد صعودهما لمنزله
ليغمغم أديب وهو يتذوق الأسم سارة..حلو الأسم. 
رمقه الأخر بريبة هو في ايه بالظبط يالا!
سرد عليه أديب ما حدث ليضحك رفيقه قائلا  يانهار ابيض كنت هتروح مني يا دومي طب ايه خلاك يعني تتظاهر لسارة انك مش عارف بيتي
غامت عيناه مغمغما بنبرة عميقة والله ما عارف يا زين أنا شوفتها هتمشي وتسيبني لقيتني بوقفها بالحيلة دي عشان افضل معاها أطول وقت كأني أعجبت بيها وبشجاعتها وطيبتها البنت ساعدتني بدون اي تردد وده نوع نادر دلوقت  ومعتقدش اني متسرع في اعجابي بيها.
وافقه الرأي فعلا سارة بنت مفيش منها وأهلها ناس طيبين جدا.
_ ربنا يحفظها هي بتدرس ايه
_  كلية تجارة. 
أديب ربنا يوفقها بنت أخلاقها تشرف ماتتصورش لما سألتها عن أسمها عملت فيا ايه. 
_ عملت ايه يا تري
_ هددتني انها تسيبني أتوه يا زين. 
أننفجر الأخير ضاحكا يشاركه أديب تلك المرة لتكون تلك الفتاة أول من بدل حالته المزاجية التي كان عليها منذ قليل.
أنتي اټجننتي يا سارة عرضتي نفسك للخطړ عشان حد ماتعرفيهوش أصلا!
تفهمت حنق أشرقت وهي تجيبها بهدوء 
يا بنتي ده تصرف إنساني مقدرتش اقف ساكتة وانا اقدر اساعده حرام ېموت ده لسه شاب صغير. 
_ أنتي كمان كنتي ھتموتي ياختي! 
_ وربنا نجانا سوا أهدي بقا ولا عايزاني أندم اني حكيتلك
حدجتها أشرقت للحظات حانقة قبل أن تجذبها پعنف لا يخلو من حنان وهي تعانقها وتربت علي ظهرها قائلة كنت أموت لو جرالك حاجة يا سارة أنا ماليش غيرك انتي وخالتي وعمي سلامة.
_ ورضا!
لتبتعد عنها قليلا وهي تملس وجنتها برفق  ليكي رضا يا أشرقت هيبقا كل دنيتك وأهلك وناسك بعد كده.
أطرقت بصمت دون قول شيء لتجذبها سارة ليجلسان علي طرف فراشها قائلة  أحكيلي عملتوا ايه وانتوا بتختاروا الفستان طبعا طلعتي عينه صح
حدجتها بضجر دون أن تجيب. 
_ طب ايه شكل الفستان وعجب رضا ولا لأ
_ عجبه ياختي وشافه عليا لما شبع وفي الأخر محصلش حاجة وانتي تقوليلي أل لو العريس شاف فستان عروسته قبل الفرح يبقا فال وحش ده عزمني علي كبدة. 
قهقهت سارة بقوة حتي كاد يتوقف قلبها هاتفة من بين ضحكاتها  كبدة يخربيت عقلكم. 
لتستطرد بحسرة زائفة وأنا اللي افتكرته رومانسي وهيعزمك علي أيس كوفي في كافيه هادي.
هزت أشرقت رأسها بيأس لتنتقل لفراشها مغمغمة
ماشي يابتاعة الأيس كوفي سبنالك الرومانسية أما نشوف اما تتخطبي خطيبك هيعزمك علي ايه.
_ لا ده انتي متعرفنيش أنا في الرومانسية معنديش ياما ارحميني هنضرب حواوشي طبعا. 
قاومت أشرقت ضحكتها لټنفجر بالأخير ضاحكة وهي تتهكم  حواوشي لأ رومانسية جامدة الصراحة.
لتستطرد  نامي بقا وكفاية رغي أنا صاحية بدري ومشيت كتير ومش قادرة اسهر عن كده. 
_ ماشي يا عروسة حقك تنامي بدري عشان وشك ينور في الفرح. 
أختفت سريعا أسفل غطائها لتتفادي ضړبة أشرقت الحانقة لها بالوسادة.
في المساء.
ماما أنا هروح