لا تتركيني بقلم دينا

بس كل واحد ليه معاد
ايه برنامج النور والايمان ال فتحناه ده
افضل اتريق كده عليا
وانا اقدر اتريق عليكي ياقمر
سليم عايزه اسألك سؤال
سليم ضحك وقال مانتي هرياني اسأله من الصبح
اتفضلي اسألي
ساره بصتلو بتوتر واضح جداا وبلعت ريقها
وخدت نفس طويل وقالت
انت بتحب نسرين
استووووب علي كده
البارت العاشر
سليم بص لساره جامد وحب يغيظها

اكيد اومال خطبتها ليه
ساره بحزن وقالت
ربنا يتمملكو علي خير
ياارب يابنت عمي
ساره بصتلو بإستغراب وقالت
بنت عمك اول مره تقولي كده
مهي دي الحقيقيه يابنت عمي
طب يلا نرجع البيت بقه يابن عمي
حاضر يلا نرجع
سليم وساره رجعو البيت وساره دخلت ؤضتها وغيرت
لبست بجامه قطنيه خفيفه
ساره خرجت شافت سليم نايم علي السرير بصتلو بغيظ وقالت
علي فكره ده سريري ودي ؤضتي مش ؤضتك
طيب
عايزه ايه ياعني
عايزه انام اتفضل شوفلك مكان تنام فيه بقه
سليم بصلها بطرف عنيه وقال
تعالي اهو السرير كبير اهو
مستحيل انام جنبك مستحيل
هيعجبك
سليم خلص كلامو وايدو بدأت تتحرك علي وش ساره
ساره برقت جامد واتكلمت بتوتر
سليم ابعد عني
خلاص اسمعي الكلام ياسو
حاضر بس ابعد عني
شطووره يلا بقه ننام احسن انا مصدع
سليم بعد عن ساره وساره جريت نامت علي السرير
وغمضت عنيها بسرعه
سليم بصلها ومقدرش يمنع نفسو من الضحك
مټخافيش مش هاكلك
انا نمت أصلا
سليم راح نام علي الطرف التاني من السرير
ساره
نعم
وحضنها
سليم ابعد عني لاما هصوت والم عليك البيت كلو
ياريت تصوتي خليهم يجو واوريهم ان انتي مش
راضيه تنامي معايا علي نفس السرير
روح نام جنب ست نسرين بتاعتك وسبني في حالي
سليم بصلها وضحك وقال
قولي كده بقه قولي انك غيرانه علشان انا بحب
نسرين
خلاص طالما بتحبها كده ابعد عني بقه وروحلها
سليم سكت شويه وبعدين قال
مش قادر اروحلها انا محبتش نسرين انا ونسرين
جوازنا كان صالونات بس انا مش بحس ناحيتها
بأي مشاعر
ساره ابتسمت ابتسامه خفيفه وقالت
اممممم طب خلاص عايز مني ايه
جدي النهارده كلمني علشان يعملنا فرح كبير هنا
ساره اتنهدت بحزن وقالت
جدي مصمم يعمل كل حاجه علي مزاجو افرض
انت مش عايز تكمل الجواز وده كان اتفاقنا
سليم بعد عنها فجاه وقال
انتي عايزه ايه عايزه الجوازه تكمل و لا لأ
اجابتي هتهمك ياعني
اوي فوق ماتتخيلي
خاېفه اقول عايزاها تكمل وابقي اجبرتك علي كده
سليم رجع حضنها تاني وقال بحب
قولي ال انتي عايزاه ومټخافيش من حاجه
نفسي اعمل فرح كبير اوي والبس الفستان الابيض
كل اصحابي لبسوه وخلفو كمان وانا قولت لنفسي
مش هتلبسيه خالص تفتكر هلبسو
كل حاجه نفسك فيها اكيد هتحصل
وانت نفسك في ايه
سليم ضحك وقال
نفسي انام
ساره بصتلو بغيظ وقالت
علي فكره انت غلس اوي وانا غلطانه اني بتكلم معاك
سليم ساب ساره تتكلم وباسها من خدها بسرعه
وخدها في حضنو من غير أي نقاش ونام
في صباح تاني يوم سليم صحي وملقاش ساره
نايمه جنبو ولفت نظرو ورقه علي الترابيزه
سليم فتح الورقه
صباح الخير انا مرضتش اقلقك واصحيك بدري علشان
لقيتك نايم بعمق ومتقلقش انا في المستشفي
واه عايزه اقولك شكرا علي كل حاجه عملتها امبارح
علشاني وشكرا علشان لاول مره من عشرين سنه
انام وانا مطمنه
سليم قفل الورقه وابتسم ابتسامه بسيطه
وافتكر ساره وهي نايمه جنبو طول الليل
وافتكر قد ايه كان مبسوط وهو معاها
سليم غير هدومو ونزل ركب عربيتو وراح علي طول
للمستشفي ال ساره بتشتغل فيها
وشاف ساره عماله ټعيط ومڼهاره من كتر العياط
سليم جري بسرعه علي ساره وسألها بلهفه
مالك ياساره في حاجه حصلت ولا ايه
ساره بإنهيار
مااات ياسليم ماټ
مين البنت ال عملتلها العمليه 
لا مش هي راجل جه متصاوب بطلقتين ومقدرتش انقزو ياسليم مقدرتش
اهدي ياسارا انتي عملتي ال عليكي ودي حاجه بإيد ربنا
عندو بنت صغيره ياسليم اكيد كل احلامها في بابها
هتضمر
سليم حضڼ ساره جامد وفضل يهديها ويملس علي شعرها بحنان
اهدي ياسارا اهدي انتي عملتي كل ال في ايدك
والاعمار بيد الله اهدي بقه
البنت بقت لوحدها زي ماانا بقيت لوحدي
انتي مش لوحدك انا معاكي ياساره وعمري مهسيبك
ابدا ياحبيتي اهدي بقه
انت هطلقني وهرجع لوحدي تاني
سليم ضم ساره ناحيتو جامد وقال
انا مش هطلقك ياساره انسي موضوع الطلاق ده
من دماغك انتي هتفضلي معايا وجنبي وعمري
مهسيبك ياساره
جامد لغايط اما هديت خالص
ساره مش يلا بقه علشان نلحق نسافر
ماشي يلا ياسليم
ساره قامت مع سليم وركبت العربيه معاه
وراحو سلمو علي اهلهم وقررو يرجعو القاهره
وهما في الطريق سليم وقف عند استراحه
وقفت ليه
اكيد انتي جعانه لانك اكيد مفطرتيش
ساره يتفكير انا ھموت من الجوع بس
سليم ضحك علي طريقه ساره الطفوليه
طايب انا هنزل اجيب اكل عايزه حاجه معينه
ساره هزت راسها بمعني لا
طيب مش هتأخر
متنساش تجيب شيبسي وبيبسي بحبهم اوي
حاضر مش هنسي اجيب حاجه من دول
سليم راح جاب الحاجات لساره
اتفضلي ياستي كل الحاجات ال طلبتيها اهي
ساره خدت منو الحاجات بفرحه طفوليه
كل ده ليا انا بس ده كتير اوي
اطلبي ال انتي عايزاه وانا نفذ علي طول
بقولك ايه انا عايزه اعدي علي المستشفي الأول
علشان الحاله ال عملتلها العمليه اول امبارح تعبانه
طيب هوديكي المستشفي وانا هروح البيت علشان
ماما عماله تتصل كل شويه مش عارف في ايه
وهبعتلك السواق تخلصي وترجعي علي طول
اوكي هخلص وهاجي علي طول متقلقش
ساره كنت عايزه اسألك سؤال
اسال مش محتاج تاخد إذن
انتي كتبتي في الورقه الصبح انك حسيتي بأمان
محستهوش بقالك عشرين سنه كان قصدك ايه بقه
ساره بان علي ملامحها الخجل والتوتر وقالت
مش فاكره الصراحه وبعدين انا باكل دلوقتي
مش هركز في حاجه تاني
مسيرك هتقوليلي كل حاجه من غير ماسأل ياساره
طيب تاكل
شكرا
سليم وصل ساره المستشفي وراح هو علي
البيت
علي طول واول ماوصل كانت نسرين ومامتها
قاعدين في الصالون ونسرين اول ماشافت
سليم جريت حضنتو وقالت
سولي حبيبي وحشتني اوي اوي
سليم بعدها عنو وقال بجديه
قولتلك اسمي سليم
فريده تعالي ياحبيبي سلم علي طانط جيهان
ازاي حضرتك ياطانط
ازيك ياحبيبي
في حاجه ولا ايه ياماما عماله تتصلي كده ليه
مدام جيهان جايه علشان تحدد معاد فرحك انت
ونسرين
سليم اټصدم لما سمع كلام امو ومعرفش يرد
علي كلامها
نسرين انا شايفه ان يكون آخر الشهر
سليم غمض عينو وفتحها تاني ومكانش بيفكر في
حاجه غير ساره وقال
مش هينفع يانسرين
ليه ياحبيبي
انا مسافر بعد اسبوعين عندي مؤتمر طبي
خلاص ياحبيبي يبقي كمان شهرين واهو الحق اجهز
الفستان وتجهيزات الفرح هتاخد وقت
جيهان ايوه حلو الوقت ده
سليم كان لسه هيرد عليها بس شاف ساره داخله
ساره دخلت وشافت نسرين لازقه في سليم
وضايقت جدا وبعدت نظرها عنهم وقالت
مساء الخير ياماما فريده
فريده مساء النور يابنتي دي جيهان صديقتي
ومامت نسرين
نسرين راحه ناحيه ساره بتعالي واتكلمت
بطريقه مستفذه وقالت
مش تبركيلي ياسو
ساره بصتلها ببرود وقالت
علي ايه
نسرين بصتلها بشماته وقالت
فرحي انا وسليم كمان شهرين رواية لا تتركيني
الفصل 11
الفصل 12
الفصل 13
الفصل 14
الفصل 15
البارت الحادي عشر
ساره اټصدمت لما سمعت كلام نسرين بس حاولت انها
متبينش أنها مضايقه وابتسمت ابتسامه بسيطه وقالت
الف مبروك ربنا يتمملكو بخير
عقبالك ياسو
ميرسي ياحبيتي عن اذنكم
ساره طلعت جري ؤضتها وقفلت عليها بالمفتاح
وفضلت ټعيط كتير
انتي مزعله نفسك ليه كده هو حتي مقالكيش
انو بيحبك علشان عطف عليكي شويه
خلاص اعتبرتيه بيحبك بس انا انا فين
من كل تفكيره انا بحب سليم
لا لا انا مش بحبو انا ارتحتلو بس ايوه ارتحتلو
مش اكتر ولازم اشوف مستقبلي ال مليش غيرو
نسرين انا لسه مقررتش حاجه علشان تقولي كده
نسرين بصت لسليم پغضب وقالت
فيها
ايه لما اقولها ياسليم فرحانه ايه مفرحش ولا ايه
وبعدين مااحنا كده كده هنتجوز
بس مش
دلوقتي يانسرين لسه عايز وقت
نسرين بتمثيل الحب
خلاص ياحبيبيي براحتك خد وقتك وقولي
انا