اسكربت بقلم زهرة الربيع

ايدي غلوه 
ضحى نزلت دموعها پصدمه من اللي بتسمعه ...
بس ضحى دفعته پغضب وقالت.... انت بتهبب ايه... هو لما حد يعمل حاجه غلط نقوم نعمل زيه بحجة اننا بننتقم... اسمع يا معتصم انا كنت حاسه انك مجروح ...ودلوقتي فهمت انت بتعمل كده ليه من وقت ما جينا فاكر انك بترد كرامتك وتحس برجولتك لما تخلي خطيبته تعمل زي ما خطيبتك عملت...بس لازم تعرف ان هو معملش اي مجهود..كل الحكايه ان خطيبتك عملت كده لانها ما اتربتش بس انا متربيه ...ولا 10 زيه يوجعوني لدرجه اني افرط في نفسي... فخليك بعيد عني ..ولو سمحت تقوم لاني عايزه انام 
معتصم حاول يتكلم معاها بس قالت بسرعه... لو سمحت عايز انام بجد.. ممكن 
معتصم اتنهد وهز راسو بالموافقه وراح نام على الكنبه 
ضحى اتنهدت بدموع وحاولت تنام وهي حاسه بتعب شديد في قلبها حاسه بحزن ما يتوصفش كانت رفضاه جدا بس بقى يتحايل عليها وافقت من كتر محاولاته مش مصدقه ان بعد ده كله ممكن ېخونها وهما مخطوبين وفي في فيلتهم كمان فضلت وسط افكارها لحد ما نامت 
معتصم كان بيبص عليها بحزن واول ما اتاكد انها نامت راح نام جمبها وشدها ليه وهو حاسس بشعور جميل قوي وهيه بين ايديه 
في صباح يوم جديد قامت من النوم لقتو جمبها ابتسمت على ملامحه الجميله وافتكرت الكلام اللي قاله امبارح اتنهدت بحزن ووقفت راحت على الحمام بحزن شديد 
معتصم حس بيها لما قامت قعد واتضايق جدا لما افتكر اللي اللي حكاهولها وزعل جدا من نفسوا انو زعلها كده وفضل مستنيها لحد ما تطلع 
بعد شويه خرجت من الحمام ووقفت قدام المرايه بتمشط في شعرها بتوهان 
معتصم انا اسف على اللي قلته امبارح اكيد اټجرحتي معرفتش بقول ايه وكنت مش قادر اسكت اكتر متزعليش محدش اصلا يستاهل تزعلي 
ضحى بصتلو وابتسمت بدموع وقالت.... انت اكيد زعلان اكتر مني بس ولا يهمك ..انت شاب زي القمر وهيه خسړت كتير 
معتصم ابتسم وقال... عاجبك انا يعني 
ضحى هزت راسها بتوتر وقالت... اه كويس 
..انا اسف مكانش قدامي غيرك احطه في الموقف ده ... بس حقيقي كنت موجوع اللي حسيت بيه صعب و ده اللي جه في دماغي وقتها 
ضحى ابتسمت بحزن وقالت.... انا مش زعلانه منك بالعكس كويس انك وقفت الجوازه دي ..اذا كان بيعمل كده قبل الجواز امال بعده هيعمل ايه 
معتصم بص لعيونها وقال..هو لو بيفهم لا يعمل كده قبل الجواز ولا بعده ولا بعد مية سنه...اللي يكون معاه واحده زيك ويبص لغيرها يبقى محتاج تصحيح نظر 
ضحى ابتسمت وقالت...ماشي يا سيدي اشكرك... بس بجد يا معتصم بابا تعبان واكيد زمانه بيدور عليا و مش هينفع تسيبني هنا فتره طويله 
معتصم ابتسم وقال... اكيد فاهم بس حاليا البوليس حوالين البيت خليهم يمشو وهرجعك اكيد 
ولسه هيبعد مسكت ايده بسرعه وقالت ....انا كمان هعمل لك خدمه قصاد انك هترجعني يعني مش هخلي كل التعب اللي انت عملته ده يروح على الفاضي 
معتصم بصلها باستغراب ومش فاهم قصدها ايه وهي قالت اجهز ..هنعمل فيلم حلو اوي 
عند شريف كان هيتجنن وكان بيدوروا في كل مكان هو والبوليس لحد ما وصلوا للتليفون اللي اتبعتت منه الرسائل راحوا للراجل 
ظابط البوليس مسك الراجل پغضب وقال ...اتكلم يلا البنت فين 
الراجل قال بارتباك... والله يا باشا ما اعرف والله ما اعرف حضرتك قصدك ايه انا ما اعرفش بنات ولا خطفت حد 
شريف بصله پغضب وقال.... انا متاكد ان البنت مش معاك انت بس