قصة بنت أمينة بقلم شيماء عثمان

التماسك ومسحت دموعها بسرعه ...
سها بحزن لسه منمتيش ياماما .
امينه مش جايلى نوم . مش قادره انام وشيرين بعيد عنى ومعرفش مصيرها ايه .
سها بتحاول تهديها اطمنى ياماما . هتبقا كويسه . متقلقيش عليها . اعتقد يعنى انها لسه بتحبه
امينه بحزن اللى قالقنى انها مع حازم . واللى مخوفني . انه فاكر انها رفضته بمزاجها . مش بسبب ضغط اخوه عليها وعليا .
وتهديده لينا .
سها بأستفهام ليه ياماما . هو مهددكم بأيه .وليه مقولتوش لحازم من البدايه .
امينه بحزن هنقول ايه . ونقول لحازم عشان قاسم ينفذ تهديده فعلا . واخسر..............وسكتت بتردد
سها بتحديق وعدم فهم طب احكيلى انا . على الأقل . فضفضي معايا .
امينه بدموع قلبي موجوع على اختك اووووي . وحاسه انها مش بخيررر ابدا . وطول ماهي مع حازم مش هتكون بخير . لو اعرف بس مكانها .كنت روحت خدتها منه بالعافيه واللي يحصل يحصل .
سها پخوف تفتكرى ياماما . حازم ممكن يأذيها .
امينه وهو لسه مأذاهاش . ماهو أذاها . لما افتكر انها واحده مش كويسه لمجرد وجودها فى المكان ده . أذاها .لما استغل وضعها واستغل سلطته . واجبرها تتجوزه بالطريقه ديه .... يارب طمن قلبي عليها . ورجعهالي سالمه ......
شيرين ملهاش معنايين . طلقني ياحازم زي ما اتجوزتني ڠصبا عنى . طلقنى وسيبنى امشي سيبنى الم اللى باقي منى . وأوعدك عمرك ما هتشوف وشي تانى ولا حتى صدفه .
حازم برفض قاطع لا يمكن . انا مش هطلقك . مش بعد ما بقيتى ملكي انتى بقيتى مرراتى فاهمه يعنى ايه مراتى يعنى قدرك انى ابقا من نصيبك ..متفكريش انى ممكن اسيبك بسهوله فكرى ازاي تتعودي على وضعك الجديد ..... 
تانى يوم صباحا فى قصر قاسم الحديدى . أمينه وسها مع سوزي .....
سوزي پصدمه انتى بتقولي ايه . اتجوزها .!!! مش معقول ....
امينه بدموع بنتى ممكن يجرالها حاجه بسبب ابنك . ارجوكي كلميه خليه يسيبها ...
سوزي لسه مش مصدقه ان حازم اتجوز شيرين انا لسه مش مستوعبه
اللى بتقوليه . اكيد فى حاجه غلط ..
سها بجمود ليه مش مستوعبه . اجبرها تتجوزه بعقد عرفي .عشان يذلها وينتقم منها ويرضي غروره .
امينه بدموع حازم بيه ميعرفش لحد دلوقتى . ان اخوه قاسم
بيه هددها تبعد عنه وميعرفش اللى حصل فى بيتنا .بس لو شيرين بنتى جرالها حاجه بسبب ابنك . انا هحكيله كل حاجه حصلت وساعتها ولادك الاتنين هيخسروا بعض
سوزي ياست امينه . حازم ابنى سايب البيت هنا بقاله فتره ومعرفش عنه اي حاجه ....
نزل قاسم بغروره شاف امينه استغرب واتفاجئ الشيف امينه . خير ايه اللى جابك على الصبح كده
سوزى امينه بتقول ان حازم اخوك .اتجوز شيرين ڠصبا عنها امبارح ..
قاسم پصدمه وعينه اتسعت بذهول وملامحه اتحولت لڠضب يعنى ايه اتجوزها ڠصبا عنها 
امينه پغضب قاسم بيه انت عارف كويس قوى
سوزى طب اهدى . انا هكلمه وياريت يرد . وفعلا سوزى مسكت فونها واتصلت بحازم . اللى على غير العاده رد على والدته
حازم ببرود نعم . فى ايه .
سوزى حازم انت فين ياابنى . وصحيح اللى سمعناه ده . انت اتجوزت شيرين .
حازم اه اتجوزتها . عندكم اي اعتراض . وبعدين انتى عرفتي منين
سوزى والدتها قدامى اهيه وقلقانه على بنتها وعايزه تعرف هي فين
حازم قولى للست امينه تروح بيتها . وقوللها متقلقش على بنتها . شيرين معايا . مع جوزها .
قوللها مش هيكلها يعنى .
شيرين كانت خارجه من الأوضه بمنتهي الارهاق والتعب . لما سمعت اسم والدتها . ولسه هتتكلم .وقعت من طولها ....
عند سوزان قفلت مع حازم . وقاسم بيبص لوالدته بمنتهي الاهتمام بيشوف هتأكد الخبر ولا هاتنفيه ...
سوزان نظرت لأمينه وقالت مدام امينه . حازم بيقولك متقلقيش على شيرين هي معاه . ومش هيأذيها . وبيقولك بنتك دلوقتى مع جوزها . ارجعي بيتك ومټخافيش عليها ...
امينه بقلة بحيلة وبدموع ماهو ده اللى مخوفني . وبصت لقاسم . اللى غمض عينه پغضب . وامينه اخدت سها واتحركت من قدامهم ..... 
قاسم دخل بسرعه المكتب .وڠضب الدنيا ماليه . ونفسه كان عالى . وقلبه بيدق پعنف . وقف پغضب واستند على كرسيه
ليستعيد ذكرياته . وتهديده لشيرين فلاش باااااك
قاسم لما جاب امينه وشيرين للفيلا يوم العزومه كان عامل حسابه انه يحرج حازم ويخلي شيرين تشوف حجمها والفرق بينها وبين حازم . لكن اللى معملش حسابه عليه انه هو كمان يقع فى حبها ....
قاسم لما شاف شيرين فى الفيلا . عجبته ودخلت مزاجه ..ولأنه عنده علاقات كتير عابره . كان فاكر ان هي زي البنات اللى تتمنى منه نظره .لكن صدها ليه وجرئتها عليه . استهواه النوع ده مصدفهوش قبل كده . رغم كل السخافات اللى حصلت واهانته ليه يوم العزومه الا انها كانت متماسكه قدامه .... كان مستغرب من نفسه اوووى . ليه بيفكر فيها بشكل مستمر . ومش مسأله موقف وعدا ..... لحد ما فى يوم لقي نفسه قدام باب شقتهم بيرن الجرس .وشيرين اتفاجئت بيه .....
شيرين قاسم بيه
قاسم بأبتسامه ايه يا أنسه شيرين . هاتسيبينى على الباب كتير !!
شيرين بأرتباك لاء طبعا . اتفضل . اتفضل ياقاسم بيه . امينه من جوه مين ياشيرين . ده قاسم بيه ياماما قالتها شيرين ردا على والدتها . اللى جت هي كمان متفجأه ومش قادره تحدد هو جاي ليه .....
امينه اهلا وسهلا . ياقاسم بيه اتفضل فى الصالون ... وتابعت اعملي قهوه ياشيرين .. ودخل بالفعل . وشيرين قدمت القهوه
شيرين بأستغراب خير ياقاسم بيه ..عزومه تانيه ولا أيه 
قاسم ضحك لاء مش عزومه تانيه . بس لوافقتى على اللى هقولك عليه .
هيبقا فرح
شيرين عنيها لمعت بفرحه .وللحظه اتخيلت انه اخيرا وافق على جوازها من حازم وقالت بسعاده فرح ! فرح مين 
قاسم حس انها فهمته غلط وقال بسرعه وهو بكامل ثقته
فرررررحنا .
شيرين قامت وقفت فى مكانها پصدمه وذهووول وبعدم استعياب حضرتك بتقول ايه .ممكن توضح كلامك
قاسم ضحك بغرور وبثقه قال رغم اني متأكد انك سمعتى وفهمتى قصدى كويس . بس هكرر كلامي تاني . انا جاي اطلبك للجواز . واقصد بفرحنا . جوازنا. انا وانتي .
شيرين ضحكت بصوت عالى . وهو اټجنن من جمال ضحكتها . وقالت بسخريه لاء انت اكيد بتهزر . قاسم بيه انت فى وعيك ولا شارب حاجه .
قاسم مسك فنجان القهوه . وارتشف منه شفطه بأستمتاع وقال بثقه هو فى الحقيقه انا بشرب . بس مش ع الصبح كده .
امينه بعدم استعياب انت يا ابنى بتقول ايه بس
قاسم بثقه حازم مجاش اتقدملك ليه لغايت دلوقتى ياتررري 
شيرين پغضب عشان حضرتك مش موافق ورافض بدون سبب .
قاسم بص لعنيها بحب .وقال بهدوء المفروض تكونى فهمتي دلوقتي السبب ...عرفتي بقا انا ليه رافض . وتابع شيرين انا بحبك .انتى تستاهلي واحد زيى قوى . مش محتاج ياخد رائي حد فى جوازه من الانسانه اللى بيحبها . حازم ضعيف ميستاهلكيش .صدقينى انا اللى هاحافظ عليكى ..حازم لوكان بيحبك كان وقف قصاد الدنيا بحالها واتجوزك حتى لو ڠصبا عنى . لكن هو مقدرش يعمل كده من ضعفه ...
شيرين كانت مصدومه ومتفجأه ومذهوله ومش مستوعبه كلامه هو ده جزائه انه مش عايز يعمل حاجه من وراك . هو مش ضعيف . هو طلب منى كده فعلا وانا اللى رفضت .ولحد دلوقتى رافضه عشان مبقاش خليته يعصاك .... وصابره معاه وعندى امل انك فى يوم تغير رائيك وتوافق وتبارك جوازنا . ده يبقا ضعف . وبصت لأمها ماما انتى سامعه اللى انا سمعاه ...
امينه پغضب انت ايه اللى بيجري فى عروقك ده . ازاي تحط عينك على البنت اللى اخوك بيحبها وتيجي تطلبها لنفسك ..
قاسم بغرور انتو مكبرين الموضوع ليه كده . يومين تلاته هيزعل شويه ويتعود .حازم بيحبنى اكتر من نفسه مش هايعترض فالأخر هيخضع وهيتقبل عادى .اصلكم متعرفوش انا ابقا ايه بالنسبه لحازم . انا اللى مربيه ...
شيرين بجمود قاسم بيه طلبك مرفووض . ومش من غير سبب . السبب انى بحب حازم الحديدى اخوك . ولو مكنتش هبقا مراته هو مستحييييل ابقا
مررراتك انت لو انطبقت السما على الارض . ولعلمك بقا . هتصل بيه فور خرووجك من هنا وهقوله انى وافقت اتجوزه . وهقوله كمان انه مبقاش يهمنى انك توافق او لاء .وحضرتك سورى يعنى اعلى ما فى خيلك اركبه ...
قاسم ببرود وجمود
وتوعد فكرى كده مجرد تفكير تقولى لحازم اي حاجه .بلاش اقولك هيحصلك ايه .
هخليها مفجأه....
امينه انت عايزايه بالظبط ياقاسم بيه .
قاسم عقلي بنتك وخليها تبعد عن طريق حازم ..ومتخليهوش يشوف وشها تانى وتفهمه ان هي اللى مش عيزاه
امينه پخوف حاضر . حاضر ... بس انت كمان ابعد عن طريق بنتى .وشلها من دماغك . وانا اوعدك من اللحظه ديه بنتى مش هاتعرف حازم تانى .
قاسم وهو لسه قدام شيرين تمام . لو طلعتى جدعه .وبعدتى عن طريق حازم . انا كمان هبعد ومش هافكر فى أذاكي .لكن قسما عظما . لو حصل العكس
امينه بحزن وخوف كان يوم اسود يوم ماروحنا بيتهم .شيرين اوعي يابنتى تضعفي وتتكلمى مع حازم تانى .
شيرين بدموع خلاص ياماما .مبقاش ينفع مبقاش في حازم تانى من البدايه كل حاجه كانت غلط . قاسم بيه حدد مصيرنا 
وهي اللى مش عايزه تكمل معاه ولأنها مش بترد على مكالماته . بعت لها رساله على الواتساب . انه هيروحلهم البيت بعد الشغل ......وفعلا راحلهم
حازم پغضب مبترديش عليا ولا بترضي تكلمينى . ولا عايزه تسمعي اي حلول .وكأن الحب اللى بينا اتبخر .ليه ياشيرين 
شيرين بتحاول تصتنع البرود عشان هو فعلا كده الحب اللى بينا اتبخر .
حازم پغضب شيرين . انتى واعيه لكلامك ده
شيرين ببرود ياحازم افهم بقا انت بالنسبالي كنت فرصه كوويسه اوى . وكنت لازم امسك فيك بأيدى واسنانى . بس بصراحه لما لقيت عندك مشاكل مع اهلك بسبب جوازنا . اتراجعت . وقولت بناقص . انا مش عايزه ادخل صراعات انا فى غنى عنها
حازم طب تعالى .نحطهم قدام الأمر الواقع نتجوز وبعدين نبقا نقولهم .
شيرين يعنى ايه .
حازم نتجوز عرررفي . فتره قصيره لحد ما يقتنعوا .ويوفقوا .
شيرين پصدمه عررررفى .... وانا ايه اللى يجبرنى اوافق على حاجه زي ديه