درس العمر بقلم ډفنا عمر الجزء الأول

كتالوج.... 
صاح بحنق بابا لو سمحت اتكلم عن امي كويس وبلاش تغلط فيها وهي مش موجودة مش عشان منفصلين يبقا خلاص تطلع فيها العبر كل شوية.
رد ببرود وأنا غلطت في ايه دلوقت عشان تزعل يا سي آدم انا بقول انها عودتك على أكل معين مالوش طعم وماسخ.
_بس هو ده الأكل اللي بحبه ومش هغيره على فكرة. 
ونهض غاضبا لتعترض زوجته منزعجة يوخزها ضميرها على فين يا آدم طب استنى وماتزعلش أنا هحضرلك أكل تاني في أقل من خمس دقايق والله.
رمقها عاتبا ما تتعبيش نفسك. 
وتمتم كڈبا أنا هروح افطر عند ماما عن اذنكم.
سريعا ما غادرهم متجاهلا نداء ليان عليه فجلست بحزن تشتكي لوالده شوفت يا عمو آدم مش ادني فرصة اعمله اكل تاني انا عندي أكل جاهز في الفريزر وكنت هحضره بسرعه.
ربت على ظهرها بحنان متزعليش يا بنتي هو طالع لامه عصبي ونكدي وروحه في مناخيره.
لامت نفسها بحزن لا يا عمو بس انا برضو غلطانة افتكرت انه بياكله لأن ماما عزمته عليه قبل كده بس كان لازم أسألوا يحب يفطر ايه. 
_هتلاقيه اتكسف ومثل انه بيحبه بس أكل حاجة تانية. واستطرد أنا شوفتك متبلة بانيه وبوفتيك افتكرتك بتحضريه عشانه لو اعرف كنت نبهتك انه مالوش في البط والمحشي. 
قالت بضيق للأسف أنا كنت بتبلهم عشان افرزهم بالمرة لأي يوم تاني وافتكرت آدم هيحب الأكل ده زي حضرتك أنا بجد مش عارفة ازاي مش سألتوا حاسة اني قصرت في حقه جامد وقلبي وجعني. 
_يا حبيبتي انتوا لسه عرسان مش كملتوا شهرين متجوزين وأغلب أكلكم كان عزايم برة البيت. 
وواصل يهون عليها خلاص متزعليش بكرة تعرفي بيحب ايه وبيكره ايه.. واطمني هو راح لأمه وهي هتظبطه. 
تمتمت بما أثار قلقها بس طنط اكيد هتسخنه عليا حضرتك عارف انها مش بتحبني وما هتصدق يروح يشتكي مني.
_متخافيش من أنجي بنت صلطح باشا مش هتقدر تقلبه عليكي الواد آدم ابني بيحبك وبيدوب في هواكي يا لولو. 
ابتسمت بخجل ليضحك قائلا
يا سلام! كلامي كسڤك أوي وخلي وشك زي الفراولة. 
ثم ربت على كتفها ربته حانية يلا يا بنتي كملي أكلك انتي مش أكلتي حاجة.
_وحضرتك يا عمو مش أكلت وأنت صايم. 
_ هاكل لو أكلتي معايا.
حاولت أن تدعي أمامه أنها تأكل لكن في واقع الأمر لم تستطع تناول شيء بعد أن فقدت شهيتها وسريعا ما انتهى من طعامه وغادرها ليستعد لصلاة التراويح وشرعت في تنظيف الطاولة من بقايا الطعام وهي شاردة الذهن بزوجها الذي رحل غاضبا دون أن يأكل شيء .
نوفيلا درس العمر بقلم ډفنا عمر
الفصل الثاني
قاد سيارته دون أن يحدد وجهة معينة يلجأ إليها خاصتا ووالدته تتناول إفطارها عند خالته هاتف الأخيرة ليكتمل ضيقه بعد المكالمة وعلمه أن والدته لم تفطر معهم كما أخبرته توجه لمنزلها وبراكين