رواية كاملة بقلم الشيماء محمد
كلكم منتقبات
سميه احنا بنلبسه قدام الغريب بس لكن العيله لأ
ايمن اول مره اسمع المنطق ده
ساره احنا مش منتقبات قوي احنا متدينات عارفين دينا وبنلبس النقاب قدام الغريب او في الشارع لكن اهلنا اللي متربين في وسطهم هنلبسه ليه اغلبهم يعتبروا محارم اصلا وانت جوز اختنا وبقيت اخونا وحاليا ما تحلش لاي واحده فينا طول ما هيا مراتك
حبيبه مالك بتقولها كده وكأنك مش مقتنع
ايمن عادي وجهه نظر تحترم
حبيبه هو انت من رأيك النقاب فرض ولا سنه
ايمن انتي ايه رأيك
حبيبه هو مش فرض طبعا
ايمن اعتقد انه فرض في حاله
حبيبه قاطعته واحده جميله لدرجه يخشي منها الفتنه
ايمنيعني بالنسبالك فرض
حبيبه ليه بقي ان شاءالله
كلهم ضحكوا
حبيبه يعني انت شايفني جميله لدرجه الفتنه
ايمن والله انا اول واحد اتفتنت واعتقد ابوكي اكتر واحد هيوافقني ولا ايه يا عم سعيد
عم سعيد عادي يعني
ايمن عادي ده لولا انك واثق انها هتفتن مكنتش دخلت فيا بقلب جامد يا عم سعيد
عم سعيد انت لسه فاكر
عم سعيد ندمان لو ندمان رجع اللي اخدته من البيت هنا واحنا مسامحينك
ايمن ارجع اللي اخدته امممم
حبيبه انت بتفكر اخص عليك طيب روح بقي وحدك النهارده
ايمن شدها وقعدها جنبه واخدها في حضنه
عم سعيد ربنا يسعدكم..... صح يا بيبو هيا الكليه هتبدأ امتي ان شاءالله
حبيبه خلاص اسبوعين
ايمن اسبوعين بس كنت فاكر انها لسه شويه!!!! طيب لو انا كنت قولتلك ما تكمليش كنتي هتعملي ايه
حبيبه شخصيتك ما تديش انك من المتعصبين ضد التعليم
حبيبه اعتقد يا ايمن ممكن اسيبك
ايمن بجد تسيبيني
حبيبه ماهو مش هتبقي انت دلوقتي هتبقي شخص سوري يعني متخلف حبتين ورجعي واغلب الصفات الكويسه فيك مش هتكون موجوده فساعتها اه هسيبك
حبيبه رجعت كليتها واغلب اصحابها حسدوها علي جوزها اللي بيوديها ويرجعها
وبالليل كتير يسهر جنبها وهيا بتذاكر
حبيبه ماما يا ماما انا حامل
فاطمه الحمد لله الحمد لله الف حمد وشكر ليك يارب
هتتصلي بايمن تقوليله
حبيبه لا لما يجي هقوله هعملهاله مفاجأة... ايه رايك ننزل انا وانتي نجيب تورتايه صغيره ونعمل غدا مميز
فاطمه طيب قوليلي عايزه ايه وانا اجيبهولك وانتي ارتاحي
حبيبه لا يا ست الكل تعالي ننزل مع بعض... انتي بس قولي لايمن ان احنا نازلين نشتري حاجات ماشي
فعلا نزلوا الاتنين يتمشوا شويه ويجهزوا لقعده مميزه
فاطمه مش هتقولي لمامتك
حبيبه هقولها بس الاول ايمن يعرف بعد كده الباقي
ماشيين هما الاتنين بيتمشوا وبيضحكوا وفجأه وقفت عربيه زي الميكروباص متفيمه كلها ونزل منها اربعه رجاله ومسكوا حبيبه... فاطمه حوالت تشدها منهم وهيا بتصوت بس زقوها وقعوها واخدوا حبيبه وجريوا... الناس اتلمت علي فاطمه اللي بتصوت بس بعد ايه
جت تكلم ايمن بس شنطتها مع حبيبه فعيطت اكتر واكتر
قامت مش عارفه تعمل ايه ايدها اللي وقعت عليها بتوجعها ورجلها اتخبطت فيها ومش عارفه تروح فين ولا تعمل ايه
واحد واقف احنا نطلب البوليس بسرعه
فاطمه ابني مقدم حد يوديني عنده في المديريه حد يوديني بسرعه
واحد طيب يا حجه اتصلي بيه وهو يجي
فاطمه موبيلي معاها ومش حافظه نمرته ياما قالي احفظيها وانا بطنش
كام واحد من اللي واقفين راحو معاها لحد المديريه ودخلوا معاها
ايمن كان في اجتماع هو ومعظم زمايله... امه راحتله مكتبه ملقتهوش سألت عسكري عليه قالها انه في اجتماع واترجته يوصلها صعبت عليه فاخدها لايمن
خبط العسكري ودخل
المدير في ايه يا عسكري ايه
اللي جابك هنا
العسكري في واحده ومعاها كام واحد عايزين المقدم ايمن
ايمن رفع راسه وبصله
ايمن عايزيني انا بالاسم خليهم يستنوا في مكتبي لما اخلص
العسكري خرج وقالهم كده فاطمه زقته وغافلته ودخلت
الكل وقف ويدوب المدير هيزعق ايمن قام وجري علي امه اللي اتخض من شكلها المتبهدل
ايمن في ايه يا امي حصل ايه
المدير والدتك
فاطمه مصېبه يا ايمن حبيبه
ايمن قلبه هيقف مالها حبيبه
امه بټعيط وهو ماسكها
ايمن ماما مالها حبيبه
فاطمه اتخطفت
ايمن مش مستوعب هيا مش عيله تتخطف
ايمن انتي بتقولي ايه اتخطفت ازاي
فاطمه كنا مع بعض ومره واحده عربيه وقفت ونزل منها اربع رجاله متلتمين وشدوها مني ومشيوا الحقها يا ايمن بسرعه يا حبيبي ال ح ق ها
قالت جملتها دي ووقعت من طولها بين ايدين ابنها اللي حس مره واحده ان كل حاجه پتنهار ومش عارف يعمل ايه يلحق امه ولا يلحق مراته
نكمل بكره
ياتري ايه اللي هيحصل
ايمن هيلحق مين الاول
حبيبه هيجرالها ايه
ايمن هيلاقيها تاني ولا كانت حلم جميل وانتهي
ارغوا معايا بقي
حلقه طويله جدا اهي مالكمش حجه
توقعاتكم
ShiMoOo
الحلقة الخامسه
ايمن امه وقعت بين ايديه وهو واقف مش عارف يعمل
