رواية چريمة من الماضي بقلم ډفنا عمر الفصل السابع والثامن

من وقت ما استاذ مروان اشتركله في النادي بتاعكم وهو بيستنى يوم الجمعة بفارغ الصبر واتصاحب هناك على ولد من سنه بيحبه اوي
ووصلت بنبرة ممتنة أنا مش عارفة اشكر استاذ مروان على ايه ولا أيه ياملك أنا لو ليا اخ ماكانش عمل معايا انا واخويا اللي عمله بجد انتي تستاهليه وهو يستاهلك ربنا يسعدكم ويحفظ لكم يامن!
ربتت ملك على كتفيها مردد بحب حقيقي 
انتي اختي يا سمورة ومروان اعتبريه فعلا اخوكي اللي هيسلمك لعريسك في يوم من الأيام!
_ لا أنسي عريسي دي أنا مش عايزة اتجوز كل اللي بتمناه أربي حاتم اخويا تربية كويسة وماخليهوش يحتاج حاجة ولا يحتاج لحد في الدنيا..!
_ صدقيني عشان حبك لأخوكي ده ربنا هيرزقك. بحد يليق بقلبك الطيب ده يا سمر أنا واثقة إن الدنيا مخبيالك خير كتير..! 
_ تسلمي ياملوكة سيبك بقى من مستقبلي واحكيلي عن حياتك انتي ومروان شوية واخواتك عاملين ايه معاكي بيسألوا ولا بيغيبوا عنك. زي الأول
_ الحمد لله يا سمر أنا ربنا كرمني بزوج اكتر من اللي كنت بتمناه ومهما حكيت مش هعطيه حقه أما اخواتي من وقت ما مروان عرفهم حاډث اختطافي وهما اتغيروا خالص مابيعديش يوم غير بيتصلوا
وواصلت مازحة ودلوقت ياستي انا اتركنت علي الرف وبقى كل اهتمامهم بيامن وصحة يامن!
سمر مازحة طبعا يابنتي حبيبي له هيبة ولازم ياخد منك الاهتمام والدلع كله حبيب قلبي ده!
_ عقبالك ياسمورتي وتجيبلي بنوته حلوة لابني وتسميها حلا..انا عايزة ده يكون اسم مرات ابني!
ضحكت سمر انتي كمان سمتيها طب ياريت تقولي كمان اسم ابوها لو ينفع يعني
_ اتريقي اتريقي..احمدي ربنا إني هاخد بنتك! 
_ ومين قالك أني موافقة تاخدي بنتي اصلا! 
_ خلاص خليها تبور جمبك! 
_ فشړ ده كفاية إنها بنتي عشان عرسانها يكونوا طوابير على الباب..!
صمتا يطالعا بعضهما ثم اڼفجرت سمر وملك ضحكا علي جدالهم على امر مازال في علم الغيب وذهبت بعد أن تواعدا على اللقاء في النادي بعطلة أخر الأسبوع! 
_______________________
_ أنتي هتروحي النادي بكرة يا روما
_ أيوة عشان إياد يا سيدي له أصحاب بيقابلهم يوم الجمعة بالذات! 
_ خلاص أنا هكون معاكم هوصلكم وافطر معاكم واسيبكم وارجع اخدكم اما تخلصوا..! 
_ ده أيه الرضا ده كله يا أستاذ فارس أنا كنت بتحايل عليك تيجي ومش بترضى أيه اللي جد اعترف! 
_ ولا حاجة ولا مش عايزاني اجي معاكوا خلاص بلاش
_ لالالا موافقة طبعا.. هو انا اطول يوصلني زينة الشباب كلها
_ أيوة كده اتعدلي
رمقته برهة وهتفت بس أكيد مافيش حاجة تقولها
_ بصي عشان أكون واضح مافيش حاجة معينة اقدر اقولها دلوقت لأن انا نفسي مش فاهم حاجة بس اوعدك أول ما تتضح الرؤية جوايا هتكوني اول واحده احكيلها..!
ابتسمت بحنان وانا منتظراك ياحبيبي!
علامات استفهام كثيرة تتلوى داخله عن سر تفكيره بتلك الفتاة هل اختلافها عن من بحيطونه! خاصت
_______________________
في صباح العطلة! 
_ ينفع يامروان نعدي ناخد سمر من البيت بدال ماتروح النادي مواصلات
أحابها وهو يجهز سيارته طبعا احنا رايحين مكان واحد اتصلي عرفيها تستنى لحد ما نعدي عليها وبالفعل اجرت ملك اتصالها بصديقتها كي تنتظر مجيئهم إليها.. !
.
بعد أن عبرا جميعهم بوابة النادي الرئيسية!
ملك بقولكم ايه روحوا انتوا وأنا هغير ليامن البامبرز في الحمام واحصلكم! 
مروان وليه ماعملتيش ده في البيت
اجابت والله غيرتله وحميته بس هو ياعيني مش بيتحمل حتى نقطة مية في البامبرز بتاعه وبيفضل يعيط ابنك ذالع