رواية أنت لي بقلم ډفنا عمر الفصل الروابع والعشرون والخامس والعشرون

بيحبك يا أروى .. أوعي تقللي من حبه أو تحسسيه لحظه إنك مش مقدرة قوة مشاعره ناحيتك.. لو ترجمتي اهتمامه وخوفه عليكي أنه حصار ساعتها هيبطل يهتم بيكي او يعبرلك عن حبه.. هيقول ماهي مش بتقدر أو تفهمني صح ..
لازم تفهمي إنك كل العالم بالنسبة له وكل أهله .. طبيعي يهتم بكل تفاصيلك ويحوط عليكي لأنك غالية عنده .. بلال نعمة ماتتبطريش عليها بدلال زايد ممكن يخليكي تخسري رصيدك جوه قلبه !!
أرتمت أروى بحضن شقيقتها تبكي بعد أن فهمت حجم خطأها بحق حبيبها الأوحد .. !
_ لحد أمتى هتفضل على حالك ده يا بهاء!
_ ماله حالي ياعمتي .. ما أنا لسه عايش قدامك!
_ ودي عيشة يا ابني .. مموت نفسك في شغل الارض .. وبعدها بترجع تحبس نفسك وتفضل لوحدك حتى صاحبك سيف مابقيتش تقعد معاه وتتكلم .. 
من يوم ما اختفت سجدة وأنت بالحالة دي .. طب دور عليها يا بهاء.. قلبي بيقولي أنها بخير صدقني!
_ أدور عليها!!! 
وإذا دورت ولقيتها يا عمتي .. هقولها أيه !
_ بس تلاقيها وكل حاجة بينكم هتتحل خلي عندك أمل وثقة بالله.. إستسلامك لضياعها مش حل .. يمكن لما تدور وربنا يجمعك بيها ساعتها هي تحس إنك مافرطش فيها للأخر!!
_ تفتكري لو لقيتها .. هقدر ابص في عينها بعد ما اتسببت في مۏت أبننا!!! 
هطلب تديني فرصة تانية .. طب أنا أصلا عندي حاجة أقدمهالها! .. أنا إنسان عاق مغضوب عليه وملعۏن وعمري ماهعيش مرتاح .. سيبيني ياعمتي وماتسألنيش عن حالي تاني .. !!
............... .
لا يغيب عن ذهنه لحظة ذاك اليوم البعيد منذ ثلاث سنوات كاملة .. حين أغرقها بعاصفة غضبه بعد علمه بحملها ثم خدعتها له بأنها عاقر .. ثار وقسى عليها ثم تركها تهذي برفضه وجسدها يتهاوى بوهن .. ولم يكن حينها افضل حالا منها .. فما أن فاق من غيبوبته التي نتجت عن چرح رأسه العميق حتى هرول إليها يترجى سماحها وعفوها .. فعاد ولم يجدها 
بل وجد قطرات من دمائها الطاهرة تشهد على جرمه بحقها وحق نطفته البريئة .. قتل روحها عندما قتل جنينهما..! ربما هي حية ترزق .. وهذا مايشعر به بيقين لا يعرف من أين أتاه.. ولكن هل يمكن أن تتقبله أو تغفر له أو تتفهم وجعه! 
لا .. قطعا لن تفعلها.. وهو بالأساس لا يستحقها 
لا يستحق سعادة أو حب من أحد .. 
هو ملعۏن بدعوة أم أحتضرت وهي تبثه لعڼتها..! 
رحماك يا الله ..
نفذت طاقة احتمالي .. وأنت وحدك العالم بما أعانيه!
 
_ أنا كمان هتجوز عمو بلال يا رورو.. ماليش دعوة! 
_ ألحقي يا بيسو .. بنتك عايزة تبقى ضرتي!!
بيسان ضاحكة على ما تفوهت به الصغيرة .. وقالت داعمة لها
بنتي مش غلطانة دي عروسة صغنونة وجميلة ..و بلال جاب ليها فستان فرح نسخة من فستانك .. وبيحبها أكتر منك.. فاضل أيه عشان تتجوزوا معاكي يا ست أروى ! والشرع بيقول
مثنى وثلاث ورباع
الجدة عائشة وهي تحتضن الصغيرة وعد وتلاطفها بمرح 
طب بذمتك تطولي يبقى ليكي ضرة زي السكر كدة!
أروى بدلال لا يا مامتي .. ماخدوش على ضرة أنا..!
قالت وهي تقبل كف حفيدتها بحب خلاص أحنا نستنى أما يجي بلال بكرة ونسأله عن رأيه وهو يقرر! 
أروى بلهفة هو بلال جاي بكرة يا ماما
الأم أيوة هو ماعرفكيش
أروى بتلعثم 
لا... قصدي ما اتكلمناش انهاردة ..
الأم بتفهم فهمت .. عموما هو كلمني الصبح يطمن عليا واما عاتبته أنه مش بيجي ولا يسأل .. وعدني يجي قريب.. بس أنا صممت يجي بكرة أشوفه ويقعد معانا شوية ..
أروى بسعادة حقيقية أنتي أحسن أم بالعالم كله!
الأم متعجبة لفرحة أبنتها على أمر كهذا 
عشان أيه ده كله .. هو أول مرة يجي عندنا!
أروى وهي تتعلق بعنق والدتها بدلال  
هو يعني ماينفعش أحبك كده من غير سبب يا شوشو .. ماتجيبي بوسة!
ضړبت الحاجة عائشة كفا على كف متمتمة  
الله يكون في عونك يا بلال..هتاخد بت مناخوليا.. !
_ أخيرا افتكرت أمك يا معاذ .. حمد لله على السلامة يانور عيني 
معاذ وهو يحتضنها بشوق  
وحشتيني يا أمي وعمري ما انساكي ابدا .. 
وراح يقبل كفها وجبينها ويعيد احتضانها