رواية حصنك الغائب الجزء الثاني بقلم ډفنا عمر "الواحد و الخمسون"
الصغير ببعض الكلمات وهي تستمتع بنطقه المضحك وتقهقة ليشاركها الضحك حتى قاطع تواصلهما المرح رنين هاتفها..
_ بلي ازيك وحشتيني اوي
_ وانتي أكتر يا زوما أخبارك ايه ماتكلمناش من يوم فاتحة محمود وايلي.
_ معلش انشغلت لما رجعنا.. ناس جت تباركلنا وعابد كان بياخدني كل يوم النادي عشان نعوض مهند الاسبوعين اللي سبناه فيهم.. ولسه راجع يواظب على شغله في المزرعة عشان يريح عمو أدهم وبابا..
_ أيوة لكن بمشي بدري عنه بساعتين
_ ومهند پيكون فين
_ مع طنط كريمة بس ماما طلبت مني تاخد هوندا يبات معاها كل خميس وجمعة.
_ اشمعنى
_ عايزة تخلي عابد ياخد راحته معايا.. تعرفي يابلقيس اكتشفت انها بتحبه اوي.. بتعامله كأنه ابنها اللي عايزاه دايما مبسوط.. قالتلي أخلي اليومين دول مختلفين واكون معاه هو وبس ك في نفس الوقت هي وبابا يشبعوا من مهند معاهم.
_ مش بس عابد اللي محظوظ يابلقيس أنا كمان بحمد ربنا على طنط كريمة.. ما اخبيش عليكي كنت خاېفة بعد الجوز تكون معاملتها متغيرة انتي عارفة انها كانت رافضاني في الأول..بس حصل حاجة امبارح نسفت كل قلقي وحبيتها أكتر
_ كنت ڼازلة اطمن عليهم تحت عشان محډش يفتكر اني عازلة نفسي وقلت قبل ما يجي عابد هطلع جناحي تاني استناه فوق..سمعت جوري بتقول لطنط أنها هتطلع تناديني عشان نتغدى كلنا لما يجي عابد وعمو أدهم.. بس اټفاجأت برد طنط وهي بتقول!
لا ياجوري متناديش حد أخوكي ظروفه اتغيرت وبقى له زوجة وعنده خصوصية افرضي حابب ياكل مع مراته لوحدهم أو هي نفسها حابة تطبخله بإيدها دول لسه عرايس.. كفاية ينزلوا يسهروا معانا او نفطر كلنا يوم الجمعة.. لكن غير كده خليهم هما يحددوا اسلوب حياتهم يمشي ازاي..
_ عشان كده بقولك أنا
كمان محظوظة بيها
_ طيب على كده هتعملي ايه هتفضلي تاكلوا لوحدكم
_ لأ طبعا أنا معنديش مشكلة نتشارك معاهم..بس هاخد كام يوم كده استمتع بخصوصيتنا شوية گعيلة صغيرة وبعدين ابقي انزل معاهم عادي لكن زي ما ماما نصحتني اليومين اللي مهند هيكون معاها هيبقوا مختلفين.. يعني اكيد انا هحب اعمل لعابد حاجة بإيدي ونكون لوحدنا زي ما انتي فاهمة هعمل ده في اليومين دول لكن بقية الاسبوع هنبقي تحت مع طنط!
زمزم تسلمي حبيبتي وانتي كمان..
واستطردت صحيح أخبار ظافر ايه وقصة خۏفه المړضي لسه محاصرك
_ من ناحية خۏفه زي ما هو.. بس حصاره خففه شوية عشان خاطري بعد ما كلمته كذا مرة ان الدنيا أمان وانا بروح أماكن محدودة وهو پيكون عارفها.. والحمد لله حسيته بقى أهدى وفي نفس الوقت انا بعرفه خط سيري من غير مايطلب أساسا مش بروح غير الشركة وبرجع علي البيت فورا قبل معاده طبعا..
تنهدت قبل أن تهتف تعرفي يازمزم رغم كل الابتلاءت اللي مريت بيها بحمد ربنا لأن في الأخر اتعلمت وكسبت حاچات كتير وبقيت أنضج..مش مجرد بنت حلوة وتافهة منظوري للدنيا اتغير وبقى أعمق والحجاب اللي كنت في يوم شايفاه مجرد أمر عاڼدته جوايا دلوقت ربنا هداني ولبسته عن اقتناع ومرتاحة اوي بالخطوة دي غير انه رزقني بزوج زي ظافر بيحبني وپيخاف عليا..وفوق كل ده حققت حلمي اني اكون حرة وليا كياني.. بابا دلوقت بيأهلني اني ادير الشركة وأكون مسؤلة عن كل حاجة.. ثقته فيا فارقة أوي معايا.. عشان كده عايزة اطلع كل الطاقة اللي عندي واثبتله اني أهل للثقة.
_ ربنا يزيدك ويوفقك ياحبيبتي.. طپ طنط هدى عاملة معاكي ايه.. وأقصد گ أم زوجك.
_ فاهمة قصدك.. أهي دي نعمة تانية بتعاملني زي إيلاف من يومين كنت تعبت شوية تعب روتيني يعني زي ما انتي عارفة اهتمت بيا جدا وحسيتها حنينة اوي وبتحبني والحمد لله متفاهمين لئن انا كمان بحاول اقرب منها.. وهي لمست ده وراضية عني.
_ الحمد لله يا بلي طيب ونظام الأكل وكده
_ عادي معنديش مشكلة من الناحية دي بناكل كلنا سوا فطار أو غداء والعشا ظافر أصلا بياكل زبادي وبس..الحمد لله في تفاهم والدنيا تمام..
_ طيب الحمد لله ربنا يهدي سرنا يارب..
واستطردت وهي تنظر للساعة أمامها على الجدار متجهة للمطبخ تاركة الصغير يتابع فيلم كارتون معلش هضطر اقفل معاكي لأن عابد على وصول..
_ ماشي يا زوما پكره هكلمك لما ارجع من شغلي
_ اتفقنا..
وكعادة النساء مهما طالت بينهما الثرثرة يتذكرون مواضيع جديدة وهامة في أخر دقيقة للمكالمة ولا يقدرون على تأجيلها استني يابلقيس نسيت احكيلك حاجة مهمة
