درس العمر بقلم ډفنا عمر الجزء الثاني
عرفتي تهوني عليا وتخليني اتخطي موضوع التقاعد ومليتي فراغي وصالحتيني على أيامي اللي كنت خاېف معرفش اعيشها..عرفتي بقا مين فينا اللي كسب.
تدفقت الدموع بعيناها وقد أرجف قلبها حديثه الصادق عنها لمست حبه لها وأيقنت أنها بالفعل ربحت رضا هذا الرجل الحنون الذي لا يقدر بثمن.
_ ايه ياجماعة انتو هتقلبوها دراما ليه كده وأنا اللي كنت منتظر فنجان قهوة عشان افترس الكنافة والبسبوسة بتاعتكم لوحدي.
وقبل أن تغادرهما مالت تقبل رأس أبيه مع قولها أنا بحبك أوي يا عمو ربنا يخليك لينا.
منحها ابتسامة حانية وآدم يراقبهما حتى ذهبت تعد القهوة لينظر لأبيه بنظرة مطولة قبل ان يتمتم مبسوط يا حاج علي أديك أكلت مني الجو وخليت مراتي تحبك أكتر مني.
ربنا يخليهالك يا ابني ويسعدكم مراتك دي لو لفيت الدنيا مكنتش تلاقي ضفرها.
_ عارف يا بابا.. ونفسي ماما تعرف هي كمان.
_ أطمن أنا واثق في ليان وفي ذكائها أنها هتعرف تكسب والدتك وتجبرها انها تحبها في يوم من الأيام.
_ يسمع منك ربنا.
_ القهوة وصلت.
ليان بدعم موافقة يا عمو وأنا اللي هختار فيلم على ذوقي.
رمقهما آدم بنظرة محبطة وتخطيطه مع زوجته تلك الليلة كان مختلفا بعد مغادرة والده خاصتا أن الوقت ليس باكرا لكن يبدو أن السهرة سوف تصبح عائلية سريعا ما اختارت ليان فيلم مناسب وجلسوا يتابعون باهتمام مع ضحكات يتشاركون بها كل حين وهو جوارهما لا يشاركهما الحماس.. بل سيطر عليه شعورا مبهما بالضيق وروتين حياته يتغير يوم بعد يوم منذ تقاعد والده دون إرادته..وبطريقة لا تروقه.
نوفيلا درس العمر بقلم ډفنا عمر
ايه رأيك يا لولو بما إني أجازة بكرة نقضي اليوم كله برة ونكسر الروتين
راقها اقتراحه بشدة ياريت يا آدم بقالنا كتير مش بنخرج برة نفسي أغير جو.
استغل الفرصة ليلفت نظرها دون توضيح والله التقصير مش مني أنتي اللي مشغولة عني طول الوقت مع بابا يومك كله بقا معاه تنكري إن كذا مرة اعزمك وانتي ترفضي عشان بابا.
_ بتحبيه أكتر مني
هكذا همس لها وهو يجذبها نحوه بتملك لتبرق عيناها عشقا وهي تحوط وجهه بكفيها مغمغمة بصدق حبي لعمو سببه انه والدك هو السبب بعد ربنا انك جيت الدنيا دي وبقيت ليا يا آدم.
نجحت بالتأثير عليه فغمرها بنظرة دافئة لتغيب معه بعناق أغرقها بعاطفته ويصيح بعدها
خلاص يا حبيبتي من الصبح حضري نفسك حتي الفطار هيكون برة مش هتتعبي في أي حاجة بكرة.
صفقت بطفولة الله كمان الفطار برة شكلك هتدلعني
