نوفيلا حارة رمضان الجزء الأول
أكتر من اللي بياخدها مننا.
أومأت لها متأثرة لما فهمت ربما كانت مخطئة..من يدري بحال من يطرق أبوابنا غير الله.
___________
اصحى يا نايم اصحى وحد الدايم
وقول نويت بكره ان حييت..الشهر صايم والفجر قايم
اصحى يا نايم وحد الرزاق..رمضااااان كريم
انقضت ليلة رمضان العاشرة وصوت المسحراتي يشق الليل متجولا بين الأزقة الضيقة ينقر على دائرة طبلته العتيقة ويدندن بأسماء الصغار والكبار.. لا يبتغي مما يفعل غير ثوابا يؤجر عليه من ربه بإيقاظ النائمين ليستعدوا لصوم يوم جديد .وكفى به مقابل يرضاه لنفسه.
تململ الصغير مش جعان يا بابا سبني انام.
جذب هارون الغطاء من فوقه وهو يقول قوم يا ابني اتسحر معانا أنت مش سمعت الشيخ بركات امبارح قال ازاي السحور مهم والرسول وصانا عليه وقال انه بركة يلا بقى قوم اغسل وشك وحط الطبلية وانا هروح اصحي جدك واجيب الفول البيض المسلوق والزبادي واجي.
__________
في بيت الكنفاني.
وضع حقيبة بلاستيكية مع قوله لها
_جبتلك كنافة وقطايف طازة يا ام رامي بس اوعي تنسي نصيب عم حلمي.
_ من غير ماتقول انا عاملة حسابي في صنية كبيرة زيادة اوزعها علي كل الجيران..واستأنفت بزهو ما انت عارف يا ابو رامي محدش بيعرف يعمل كنافتي ولا قطايفي.
_ تعيشلي يارب..صحيح أم سالم بتقولي انهم عازمينا الجمعة الجاية جوزها كلمك
_ أيوة وعازم كذا حد من رجالة الحارة فطار جماعي يعني..سبقني الراجل الطيب.
_ ميجراش حاجة خلينا احنا الجمعة اللي بعدها نرد العزومة و نعمل الواجب..
_ عندك حق وربنا يتقبل أعمالنا ويكتبنا من المغفورين المعتوقين من الڼار.
____________
_بس الحج متولي كان عامل وليمة جامدة اوي في العزومة انهاردة..مش كده ولا ايه..انا استغليت الفرصة وأكدت عزومتنا علي ام سالم الأيام بتجري ومش فاضل غير جمعتين في رمضان.
قالتها أم رامي وهي ترتشف كوب شاي ساخن ويجلسان بشرفتهما الصغيرة ليبتسم زوجها ابتسامة غامضة جعلتها ترتاب في أمره مالك يا حاج نظرتك غريبة كأنك عايز تقول حاجة.
لم تدرك بعد مقصده وهي تتسائل قصدك ايه يا ابو رامي
رمقها براحة ثم روي فضولها وهو يلقي عليها خبرا جعلها تزغرط لولا أن كمم فمها موبخا انتي اټجننتي يا وليه هو لسه حصل حاجة رسمي
رفع حاجبيه بدهشة اللي يسمعك يقول بنتنا بايرة!
ده مفيش في الحارة كلها زي جمال وأدب مي بنتي.
ضحكت برواقة وهو اي عريس يتقال عليه عريس يا ابو رامي.. سالم ده انا اللي ربيته زي ولادي.. عارفاه .عارفة أصله ومعدنه.. والأهم من كل ده ان بنتي هتسكن جنبي.. انت ناسي ان الحاج متولي واخدله الشقة اللي فوقه من زمان
قهقهة وهو يصفق بكفيه والله انتي مخبولة. كل ده عشان بنتك هتكون ساكنة في الحارة بعد الجواز طب مش يمكن هي متوافقش وترفض
انزعجت لافتراضه ترفض ده ايه وهو سالم يتعيب ولا حارتنا فيها حاجة وحشة مي هتفرح انها هتبقي معايا أنا عارفة بنتي كويس..عقبال داليا يارب عشان قلبي يرتاح من ناحيتهم.
تنهد وهو يعود ليرتشف الشاي إن شاء الله سيبي كل حاجة للنصيب وأنا بكره هكلم مي واديها فرصة لحد العيد تفكر.. ورأيها هو اللي هيمشي.
أجفل هارون على صوت صړاخ شق سكون الحارة بهذا التوقيت المبكر في الشروق..الاستغاثة صدرت من بناية قريبة هرول وبطريقه لمح أحدهم يجري بعيد حاول أن يبلغه فهرب هدر عليه بتوعد ثم صعد سريعا للطابق الثاني حيث تقطن أم سيف وأطفالها.
_ انتو بخير يا ست ام سيف حد فيكم جراله حاجة
اجابته بصوت مڤزوع لاهث متقطع الحرامي.. كان هيأذي عيالي. فتح الدولاب..كان بيسرقنا.
تجمع الجيران حولها وفقدت أعصابها وهي تضم صغارها إليها بقوة تحميهم وتحتمي بهم وتبكي.. لا تصدق أن أحدهم اقتحم بيتها بتلك السهولة.. كأنه يعلم انها وحيدة معهم..لا حول
