نوفيلا حارة رمضان الجزء الأول

الفصل الأول من حارة رمضان
بقلم ډفنا عمر
يافتاح ياعليم يا رزاق ياكريم..اللهم ما أصبح بي من نعمة فمنك وحدك لا شريك لك فلك الحمد ولك الشكر..بسم الله الذي لا يضر مع اسمه شيء في الأرض ولا في السماء وهو السميع العليم. 
راح يتمتم بخفوت أذكاره ثم توجه للمرحاض ليغتسل ويتوضأ استعداد لصلاة الفجر. 
_ صباح الخير يا حج متولي استناني هتوضى واصلي وراك.

_ صباحك قشطة يا ام سالم..ماشي.
التفوا حول مائدة الأفطار فقالت زوجته وهي تضع أمامه أرغفة الخبز
_خلاص ياحج ناوي تسافر البلد انهاردة 
_ يادوب رمضان علي الأبواب ولازم استعد الفول اللي مخزنه عندي قرب يخلص. 
_ مش فاهمة يا بابا ايه لازمة سفرك البلد وشړا الفول من هناك ما الدنيا حوالينا مليانة بياعين فول أشكال وألوان. 
ابتلع لقيمة قبل أن يجيب ابنته يا صباح يابنتي لولا حبة الفول البلدي اللي بنزرعها مخصوص في البلد مكانش ابوكي كسب الصيت ده في الحارة والمنطقة كلها وحافظ على سمعته سنين وسنين لحد ما شعره شاب.. حبة الفول اللي بتتباع هنا كلها مستوردة إشي حبة انجليزي مسوسة أو استرالي بتغيب في التسوية وحبتها قاسېة إنما الفول البلدي بتاعنا حاجة تاني بيستوي بسرعة وبيطلع زي الزبدة وطعمه بيحكي عن نفسه..
صاح ولده سالم وهي يشير لوالدته هاتي حتة مخلل يا ماما مش طايله واستطرد بس أنا يا بابا سمعت إن الفول الأثيوبي زي البلدي بتاعنا.. صح الكلام ده
_ والله يا ابني هو فعلا افضل المستورد لكن برضو البلدي يكسب.. الفول بتاعنا هو كباب الغلابة. 
هتفت صباح بفخر لا بس تنكر يا بابا إن طبق السلطة بتاعي هو اللي بيأكل زباينك ويفتح نفسهم 
قهقهت والدتها والنبي صحيح كله بيحلف بسلطة بنتي ونضافتها..
_ أمال يا ماما..ده انا كمان عايزة السنادي اضيف صنف هيبقي حلو أوي هينفع في السحور.. هفاجئك يا بابا لما تدوقه.
_ أديني مستني.. بس كمان ماتنسيش البرنجان المخلل اللي امك بتعمله.. حاجة عشرة علي عشرة وبيطلب بالأسم من الزباين. 
ضحكت بلمحة خجل لإطراء زوجها إلهي يجبر خاطرك يا حاج. 
صفق سالم مشاغبا لهما يا حلاوتك ياجمالك خليتي للحلوين ايه ست الحبابيب الحاج بيلاغيكي. 
_ اتلم ياواد عيب كده..آل بيلاغيني آل
_ خلصتوا البطاطس كلها 
ڼهرته والدته يوه.. جري ايه ياواد يا احمد ما الأكل كتير اهو بيض وفول وطعمية وبرنجان لازم بطاطس
تهكمت صباح الواد ده لو عصرناه هنطلع منه بطاطس محمرة يا ماما..
تذمر الصغير طب والنعمة ما واكل. 
زجره أبيه واد يا أحمد اقعد مكانك وإياك تحلف علي الأكل تاني مرة احمد ربنا غيرنا مش لاقي.. كل من اللي قدامك وقوم عشان تلحق مدرستك. 
نهض وهو يبرطم خلاص يا بابا شبعت.
_ سيبك منه ياحاج أنا كده كده هعمله سندويتشات ياكلها في المدرسة..قوم انت عشان تلحق وقتك. 
نهض يغمغم بالحمد مع قوله ماشي هتسهل أنا وانزل وكلها تلات تيام وارجع مش هوصيك يا سالم راعي الشغل مع الواد عرفة في غيابي.. وأنا موصي عمك حسن الفران علي طلبية العيش بتاعة كل يوم وخلي كلامك حلو مع الزباين اوعي تتعصب علي حد وتتخانق زي عوايدك وخد بالك من امك واخواتك إياك تسهر مع اصحابك وتسيبهم.. انت بدالي في البيت يا واد. 
_ ايه يا بابا انت هتغيب شهر ده كلها يومين والتالت جاي. 
_ بطل لماضة واسمع اللي بقوله..
_ حاضر عيني يابا.. حط في بطنك بطيخة صيفي. 
بابا.. هات فلوس للزينة قبل ماتسافر
الټفت لصغيره هو انت اللي بتلم فلوس الزينة يا أحمد
_أيوة أنا وطارق ابن عم هارون.
_ عايز كام 
_ عشرين جنيه..وعايز مصروفي في التلات تيام كمان. 
ضحك له متنساش حقك ابدا..ماشي هسيبهم مع امك بس لو رجعت واشتكت منك هحاسبك لما أجي. 
_ متخافش طب مش هتشتريلي فانوس 
ابتسم له بحنان ازاي الكلام ده أحلى فانوس هايجيلك من محل عمك هارون..أنا موصيه. 
وأنا يا بابا
حاد ببصره لابنته وانتي ياصبوحة.. هجيبلك أجمل فانوس..عشان تشيليه في جهازك زي عوايدك. 
سالم بتهكم انتي صغيرة للفوانيس يابنتي
جادلته بحنق ملكش دعوة انت يا سالم..الفوانيس دي بتفرح الكبير والصغير..انا بحوشهم لبيتي عشان ابقي افتخر قصاد جوزي واقوله ابويا كان مدلعني..عندك مانع
ابتسم أبيها هو أنا عندي غير صبوحة واحدة.. ثم وبخ