رواية چريمة من الماضي بقلم ډفنا عمر الفصل السابع والثامن
ماهي تبقي اخته الكبيرة واسمها سمر!
رفعت حاجبيها بمكر هاتفة وانت عرفت اسمها منين مخبي أيه يا ابو الفوارس على مرمر حبيبتك!
اجابها أنا اقدر اخبي عنك حاجة ولا ليا غيرك امال مين هيساعدني عشان اتعرف عليها مش اختي حبيبتي!
_ بالسرعة دي ده انت عمرك ما انجذبت لواحدة كده
اشمعنى دي يعني
تنهد بعمق معرفش يامريم انا الأول جذبني هدوئها الممزوج بحزنها وحنان معاملتها لاخوها ولاحظت محدش بيجي معاها ابدا لحد ما لقيت واحد معاها مرة ولقيتني بسأل نفسي ده مين ويبقالها أيه!..وإحساس ضيق انتابني معرفتش افسره! وبعدها سألت عليها وهتقوليلي ليه هقولك معرفش يمكن فضول ويمكن اكتر من كده حقيقي مش قادر احدد بالظبط.. واللي عرفته انها مالهاش غير اخوها حاتم وعايشة في مكان متواضع جدا وحاتم في مدرسة عادية جدا واستغربت ازاي هي عضوة في النادي بتاعنا وهي ماديا غير مؤهلة لده.. عموما كل ده مش مهم انا منجذب ليها بجد وعايزك تساعديني اقرب منها بشكل طبيعي واتعرف عليها أكتر!
فهتفت بسعادة وانا مش هتأخر عنك انا مايهمنيش غير انك تكون مبسوط وموضوع سمر سيبهولي دي منطقتي وانا هظبطلك الدنيا..!
وواصلت بفخر مازح أنت بس اتفرج على ذكاء اختك وبراعتها..!
___________________________
_ يلا يا ابلة سمر اصحي عشان نروح النادي هنتأخر!
فتحت عيناها بصعوبة وتمتم بنعاس
لسه بدري ياتومي سيبني انام شوية تعبانة!
فاصر هاتفا عشان خاطري قومي انا جهزت هدومي ومستنيكي!
لم تجد مفر من تلبية رغبته ونهضت تستعد للذهاب
ألقت عليها السلام سيدة تبدو بسن صغير فردت تحيتها متعجبة وعليكم السلام ورحمة الله وبركاته.. تحت أمرك!
فتمتمت سمر بابتسامة مرحبة أهلا بحضرتك وربنا يحفظلك إياد ماشاء الله عليه مؤدب جدا..!
_ شكرا ده من ذوقك وانا كمان بحييكي على تربية حاتم ولد جميل ربنا يحفظه ليكي!
وواصلت انا لقيتني قاعدة لوحدي واخويا هيتأخر على مايجي وانتي كمان لوحدك فقلت اجي لو مش يضايقك اقعد معاكي لحد مايجي ..!
_ ممكن نسكافيه زيك أنا كمان إياد مصحيني من الصبح عشان النادي وعايزة اقولك بقى متعلق جدا بحاتم! وواصلت بود هو انتي مالكيش اخ غير حاتم!
اجابت سمر بتحفط أيوة!
ايقنت مريم أنها لا تريد الغوص باسئلة شخصية فوجهت حديثها للثرثرة عن ذاتها وكيف تعيش مع أخيها ووالدتها بعد سفر زوجها للخارج وقصت لها قصة حبهما وهما بالجامعة وكيف عافر ليتزوجها محاولا توفير كل ما بوسعه من مسكن يليق بها وحياة مستورة لهما.. كما حدثتها عن فرصة أتته لأكمال دراسته العليا بمجال الصيدلة وايضا توفير النقود ليرتقي مستواهم المادي!
وقد نجحت ببناء علاقة صداقة بينهما..!
............... ..
فارس ها وعرفتي عنها ايه احكي بالتفصيل
مريم وهي تضحك علي لهفة اخيها وحياتك ما عرفت عنها حاجة. أنا طول الوقت بكلمها عني!
هتف متهكما نعم وفالحة بس تقوليلي دي منطقتي وملعبي وسيبني هظبطلك الجو..
