رواية أنت لي بقلم ډفنا عمر الفصل الواحد وثلاثون والثاني وثلاثون
انت في الصفحة 1 من 6 صفحات
رواية أنت لي بقلم ډفنا عمر
الفصل الواحد وثلاثون والثاني وثلاثون
أنا مش مصدق اللي بسمعه يا بهاء .. عيد اللي قولته تاني بجد مذهول! .. لقيت سجدة في بيت والدتك وكمان طلع عندك ولد وبنت على أسم أبوك وأمك !!!
_ صدقني يا سيف أنا لحد دلوقت خاېف يكون حلم .. أنت ماتعرفش أنا حاسس بأيه! أنا طول الوقت ببصلهم وأنا مش مستوعب إن دول ولادي من سجدة .. وإن سجدة نفسها سامحتني وكمان بتدعمني أكمل اللي بدأته عشان ضميري يرتاح .. وأنا مش هتكمل راحة بالي إلا اما اعتذر لناس تانية واتمنى تحصل معجزة تانية ويسامحوني!
أسمعني كويس يابهاء في اللي هقوله!
يجوز اللي هتطلب منهم السماح يسامحوك! ويجوز كمان لأ .. بس اللي متأكد منه إنهم هيحترموك حتى لو استوعبوا ده بعد فترة لأن أكيد في الأول هيكون في صدام ورفض!! لكن صورتك هتتشكل من تاني في عينهم بعد ما تهدى ثورتهم عليك الدنيا هتتغير للافضل.. أحنا كلنا لينا أخطاء.. بس مش كلنا عندنا شجاعة الاعتذار والرغبة في تصحيح اخطائنا..!
أتكل على ربك وكمل مشوار توبتك وأنا وزوجتك وعمتك والعم راضي وكلنا حواليك بندعمك أنت مش لوحدك! أوعى تنسي ده لحظة واحدة!!!
عجز بهاء عن كلمات ټوفي داك الصديق ما يستحقه
_ صدقني يا سيف .. أنا بقيت متأكد دلوقت إن ربنا ممكن يكون قبل توبتي لأنه رزقني بصديق زيك
أن كمان مكافأة ليا يا سيف!!
شكرا على كل حاجة..وشكرا على وجودك في حياتي!
ألحقيني يا ماما وعد حرارتها مرتفعة جدا طول الليل حرارتها عالية ومش بتنزلمع إني عطيتها خافض حرارة قوى!
تلمست الحاجة عائشة جبين وعد فتأكدت أن بيسان لا تبالغ فهتفت
بيسان وهي تلوم ذاتها لا يا ماما .. الحق عليا أنا لو صممت أنها ما تاكلش أيس كريم كتير امبارح ما كانتش تعبت كده!
الأم بشفقه يابنتي كل الأطفال بيتعبوا من أي حاجة ماتقلقيش هتبقى كويسة وزي الفل!
بيسان أنا أتصلت بدكتورة أطفال أعرفها .. ولما شرحتلها الحالة والعلاج اللي أخدته وماجبش نتيجة كتبتلي على حقن عضل قوية وأنا هنزل أجيبها حالا
بيسان أكيد يا أمي .. في صيدليات بتفتح 24 ساعة ارجوكي يا ماما خليكي معاها لحد ما أجي!
الأم من غير ما تقولي مش هسيبها لحد ما ترجعي!
لم يمضي دقائق إلا وكانت بيسان تتوجه لأقرب صيدلية متاحة ..وقبل أن تمضي بطريقها مسريعة
أوقفها معاذ الذي كان عائدا لتوه من صلاة الفجر
بيسان بحزن واضح رايحة أشوف صيدلية أجيب منها علاج لوعد حرارتها عالية أوي يا معاذ ومش راضية تنزل!
معاذ طب تعالي أنا عندي حقن قوية لخفض الحرارة في العيادة ..
بيسان بجد ! ياريت أنا خلاص ھموت من الخۏف عليها..!
أشفق عليها فقال مطمئننا مټخافيش يا بيسان هتبقي بخير وفي خلال نص ساعة هتبتدي حرارتها تنخفض!
.................
_ الحمد لله يا معاذ الحرارة ابتديت تنخفض فعلا
_ مش قلتلك هتبقى بخير!
_ عندك حق وشكرا على كل حال تعبناك معانا
أمسك معاذ كف الصغيرة ثم قبلها متمتما وعينه تحتضن تفاصيل وجهها الملائكي بحنان
فاكرة يا بيسان يوم ولادتها .. وطلب والدتها الله يرحمها أني اردد الآذان ليها واكون أول صوت تسمعه ! .. لسة فاكر إحساسي بيها بعد ما شيلتها بين أيدي والرعشة اللي حسيتها بقلبي!
تجلت الذكرى لعين خيالها وهي تتذكر ما يقول ثم تمتمت بعين شاخصة شاردة بذكراهما الغالية
وفاكرة لما الله يرحمها صممت أني أختار أسمها..!
رفع وجهه إليها مستطردا وأنتي سمتيها الأسم اللي حلمت أسميه لبنتنا لو كنا جبنا ولاد!!
تفتكري كل دي صدف يا بيسان ولا ترتيب إلهي لينا سوا إننا في يوم نلاقي حاجة تجمعنا مرة تانيه !!!
التفتت تنظر له بتمعن وهي تحلل مغزى كلماته الجديدة على مسامعها من شخص مثله!!!!
ترك بتلك اللحظة كف الصغيرة ثم جثى معاذ على ركبتيه
