رواية أنت لي بقلم ډفنا عمر الفصل التاسع والعشرون والثلاثون

رواية أنت لي بقلم ډفنا عمر
الفصل التاسع والعشرون والثلاثون
_أخيرا هتفرح قلبي وتخطب .. ودي مين دي يا واد إلي خليتك تقول يا جواز!
_ بكرة هتشوفيها يا ام معتصم وواثق هتحبيها
_ يارب يا حبيبي لو فيها خير ليك يقربك منها ولو فيها شړ يبعدك عنها .. أمين! 
_ اللهم أمين ..
لا تصدق إلى الآن أن معتصم كان بمنزلها وجلس مع والديها طالبا القرب .. إذا هو علم بكذبة خطبتها!! 

ولكن ماذا يظن .. لن تقبله .. كما لن ترفض أيضا! 
ستلعب بأعصابه وتحرمه النوم وهو يترقب كلمتها الأخيرة.. ولن تريحه! ...... .فلينتظر إلي حين!
أتعودت عليكي يابنتي وعلى وجودك حواليا بس مقدرش أمنعك ترجعي لحياتك ولمكانك الطبيعي!
_ وانا مش هنسى عمري مساعدتك ورعايتك ليا في وقت ما كنت ضعيفة وهشة وماليش سند ولا مأوى .. وعلاقتي بيكي مستحيل تنتهي يا خالة زهرة ..
_ أحسن حاجة عملتها بنت أخويا أنها جابتك عندي .. ربنا يشفي أبنها ويحفظه هو وأخوه!!
مش ناوية تحني على قلب الوزير !
كانت ندى تجلس ممسكة هاتفها تتصفح صفحتها الشخصية حين فوجئت برسالة من معتصم عبر ماسينجر! 
فتجاهلته وتعمدت مشاركة بعض الصور في صفحتها حتى يفهم أنها تتجاهله عمدا فبعث رسالة أخرى قائلا الوزير مش بيسلم بسهولة .. ومحدش هياخدك غيره .. حطي ده في دماغك يا نودي!
رغما عنها افتر ثغرها عن ابتسامة وهي تقرأ أسم دلالها منه لأول مرة يقول لها نودي ولكنها أستعادت تجهمها ثانيا وهي تغمغم مع نفسها 
_ نودي في عينك إن ما وريتك يا وزير
مباقش أنا .. على رأي القديرة أصالة!!_ بت غبيه أبو شكلك!!
بلال مندهشا من برطمة زوجته وهي تغلق الهاتف 
أنتي أتجننتي يا روحي بټشتمي مين على الصبح !
أروى بشتم ندى صحبتي ! 
بلال يا سلام !!! .. وبتشتميها ليه طيب !
أروى لأنها بتفكر ترفض معتصم هضيع حلمي اللي حلمته انها أما تتجوز هي وصاحبك تسكن قصادي في الشقة بتاعته ونبقي جيران ونرغي كل يوم مع بعض ونتونس سوا أنا بحب ندى ورغد أوي كنت بحلم نسكن بعمارة واحدة تقوم الهانم عايزة ترفض 
ثم واصلت حديثها بحماس 
وبعدين هو معتصم يترفض هو في أخلاقه ولا أدبه ولا شياكته ولا مستقبله الكويس ولا............... .
بلال بصوت جهوري غاضب أيييييه هو البعيدة معندهاش ډم !! مش مالي عينك أنا بتتغزلي في صاحبي قدامي!
أروى ببراءة أيه ياحبيبي هو أنا بتكلم عن حد غريب .. ده صاحبك! 
بلال هو عشان صاحبي تتغزلي فيه وتقولي شعر .. أنا شكلي هصور قتيل انهاردة بسببك !!
أروى بدلال لتمتص غضبه بعد إستيعابها أنها أثارت غيرته عليها دون قصد أخص عليك يا لولي هو عيني تشوف أحسن منك يا غالي !!
أضيقت حدقتي بلال وهو يعيد أسم دلالها له باشمئزاز ويشير بإصبعه على جسده الضخم 
لولي ! .. بذمتك ده واحد يتقالو لولي!! 
بصي ياروحي لولي ده تبقي تدلعي بيه بنتنا أما نخلف إن شاء الله وأخر مرة أسمعك بتمدحي في حد .. فاهمة!
أروى موضحة يا حبيبي أنت مش فاهم .. الحمارة دي بتحب معتصم .. وهو كمان بيحبها يبقى ترفض ليه وتضيع حبها من أيدها !
بلال بتساؤل وعرفتي منين أن معتصم بيحبها 
أروى يوم فرحنا نظراته كانت مكشوفة جدا للأعمي أنه دايب فيها !!
بلال بإستنكار أنتي كنتي سايبة جوزك جمبك وبتبصي على معتصم وتحللي نظراته شكلي هخنقك قبل ما اقټلك 
أروى بنفاذ صبر يا ابني مش كده .. بس البت رغد السوسة بقيت كل شوية تيجي جمبي وتعوج رقبتي بالعافية أما اتلوحت وتقولي شوفي بيبصلها أزاي و داير وراها من مكان لمكان.. لحد ما صدعتني!
بلال امممم واضح إن رغد دي سوسة ومش سهلة!! 
أروى بإيماءة مؤيدة وحشرية جدا !!
بلال طب ياحبيبتي خدي أول قرار دكتاتوري مني!
أروى قول ياروحي هما اللي بياخدو قرارات ديكتاتورية أحسن منك في حاجة!
بلال مش كده بردو! .. ثم أقترب من أذنيها موشوشا لها بصوت خفيض أقطعي علاقتك برغد!
_ تحب نروح نرتاح عند أخويا بدر الأول قبل ما نزور قبر والدتك يا بهاء !
_ لا يا سيف شكرا أنا هروح لوحدي